जळगाव: शाळा सुटल्यानंतर शाळेतून घरी आईसोबत जात असताना दुचाकीला भरधाव डंपरने धडक दिली. यात आईच्या डोळ्यात देखत तिच्या चिमुकलीचा दुर्दैवी मृत्यू झाला. जळगाव शहरातील राष्ट्रीय महामार्गावर हॉटेल तनयजवळ गुरुवारी दुपारी पाऊण वाजेच्या सुमारास हा अपघात झाला. प्रेरणा योगेश नेमाडे (वय-४) रा. माऊल नगर, जळगाव असे मयत चिमुकलीचे नाव आहे. तर या अपघातात तिची आई दक्षता ही किरकोळ जखमी झाली आहे.
जळगाव शहरातील माऊली नगरात योगेश नेमाडे हे आपल्या पत्नी दक्षता, मुलगी प्रेरणा आणि मुलासह वास्तव्याला आहेत. त्यांची चार वर्षाची मुलगी प्रेरणा ही जळगाव पब्लिक स्कूलमध्ये नर्सरी वर्गात शिकत आहे. नेहमीप्रमाणे प्रेरणाची शाळा सुटल्यानंतर तिची आई दक्षता या त्यांच्या (एमएच १२ ईडब्ल्यू ८८२९ ) स्कूटीने तिला शाळेत घेण्यासाठी गेल्या होत्या.
जळगाव शहरातील माऊली नगरात योगेश नेमाडे हे आपल्या पत्नी दक्षता, मुलगी प्रेरणा आणि मुलासह वास्तव्याला आहेत. त्यांची चार वर्षाची मुलगी प्रेरणा ही जळगाव पब्लिक स्कूलमध्ये नर्सरी वर्गात शिकत आहे. नेहमीप्रमाणे प्रेरणाची शाळा सुटल्यानंतर तिची आई दक्षता या त्यांच्या (एमएच १२ ईडब्ल्यू ८८२९ ) स्कूटीने तिला शाळेत घेण्यासाठी गेल्या होत्या.
मुलगी प्रेरणा हिला घेतल्यानंतर स्कूटीने घरी घेवून जात असताना राष्ट्रीय महामार्गावारील हॉटेल तनय जवळ भरधाव वेगाने येणाऱ्या (एमएच १९ सीवाय ६७६९) या डम्परने दक्षता यांच्या दुचाकीला जोरदार धडक दिली. या धडकेत चिमुकली प्रेरणा गंभीर जखमी झाली. तिला तातडीने जिल्हा शासकीय वैद्यकीय महाविद्यालयात दाखल केले असता वैद्यकीय अधिकारी डॉ. चंदन महाजन यांनी मयत घोषीत केले. तर तिची आई दक्षता या किरकोळ जखमी झाल्या आहेत.
दरम्यान, डंपर चालक डंपर सोडून पसार झाला होता. एमआयडीसी पोलीसांनी घटनास्थळी धाव घेवून डंपर जप्त केला असून याप्रकरणी पोलिसांना गुन्हा दाखल करण्याचे काम सुरू आहे . यावेळी जिल्हा शासकीय वैद्यकीय महाविद्यालयात लेकीच्या दुर्दैवी मृत्यूचां पित्याने मोठा आक्रोश केला. पित्यांचा आक्रोश पाहून अनेकांची डोळे पाणावले होते.