अहमदनगर : जमीन खरेदी- विक्रीचा व्यवहार करण्याच्या वादातून स्क्रू ड्रायव्हरने भोसकून एका माजी सैनिकाचा खून करण्यात आला. त्यानंतर मृतदेह लोणी शिवारात टाकून आरोपी पळून गेले. पोलिसांनी काही तसांतच या प्रकरणाचा छडा लावत यातील मुख्य आरोपी नगरमधून प्रकाशित होणाऱ्या एका सायंदैनिकाचा संपादक मालक मनोज वासुमल मोतीयानी (वय ३३) व त्याचा साथिदार स्वामी प्रकाश गोसावी (वय २८, दोघे रा. सावेडीगाव, अहमदनगर यांना अटक केली. यातील आरोपी मोतीयानी सराईत गुन्हेगार असून त्याच्या विरुध्द अहमदनगर जिल्ह्यात विनयभंग, अल्पवयीन मुलीस पळुन नेणे, खंडणीच्या उद्देशाने जिवे मारण्याची धमकी देणे, दुखापत करणे व जिवे मारण्याची धमकी देणे असे गंभीर स्वरुपाचे सहा गुन्हे दाखल आहेत, अशी माहिती जिल्हा पोलिस अधीक्षक राकेश ओला यांनी दिली.
अहमदनगर शहरातून विठ्ठल नारायण भोर (वय ४८, रा. गणेश चौक, बोल्हेगांव, ता. नगर) हे माजी सैनिक बेपत्ता झाल्याची तक्रार त्यांच्या पत्नीने तोफखा पोलिस ठाण्यात दिली होती. त्यांचा शोध सुरू होता. मधल्या काळात लोणी (ता. राहाता) येथे एक अज्ञात मृतदेह आढळून आला. मृतदेहावर जखमा होत्या, त्यावरून खून झाल्याचे स्पष्ट होते. त्यामुळे पोलिसांनी तातडीने त्या दिशेने तपास सुरू केला. स्थानिक गुन्हे शाखेचे पोलिस निरीक्ष दिनेश आहेर यांच्या नेतृत्वाखाली पथकाने घटनास्थळी भेट दिली. तेथे एका चारचाकी वाहनाचे टायर मार्कस् दिसून आले. त्या आधारे पथकाने परिसरातील सीसीटीव्ही फुटेज व तात्रिंक विश्लेषणाचे आधारे तपास सुरु केला. सीसीटीव्ही फुटेजमध्ये एक पांढरे रंगाची कार येताना व लागलीच जाताना दिसून आली.
अहमदनगर शहरातून विठ्ठल नारायण भोर (वय ४८, रा. गणेश चौक, बोल्हेगांव, ता. नगर) हे माजी सैनिक बेपत्ता झाल्याची तक्रार त्यांच्या पत्नीने तोफखा पोलिस ठाण्यात दिली होती. त्यांचा शोध सुरू होता. मधल्या काळात लोणी (ता. राहाता) येथे एक अज्ञात मृतदेह आढळून आला. मृतदेहावर जखमा होत्या, त्यावरून खून झाल्याचे स्पष्ट होते. त्यामुळे पोलिसांनी तातडीने त्या दिशेने तपास सुरू केला. स्थानिक गुन्हे शाखेचे पोलिस निरीक्ष दिनेश आहेर यांच्या नेतृत्वाखाली पथकाने घटनास्थळी भेट दिली. तेथे एका चारचाकी वाहनाचे टायर मार्कस् दिसून आले. त्या आधारे पथकाने परिसरातील सीसीटीव्ही फुटेज व तात्रिंक विश्लेषणाचे आधारे तपास सुरु केला. सीसीटीव्ही फुटेजमध्ये एक पांढरे रंगाची कार येताना व लागलीच जाताना दिसून आली.
तोफखाना पोलिस ठाण्यात दाखल तक्रारीवरून भोर यांच्या नातेवाईकांना बोलावून घेतल्यानंतर तो मृतदेह भोर यांचाच असल्याचे निष्पन्न झाले. त्यानंतर मग पोलिसांनी भोर यांच्या पत्नीकडे विचारपूस केली. तेव्हा त्यांचे मनोज मोतीयानी याच्यासोबत प्रॉपर्टी खरेदी विक्रीचा व्यवहार असून त्यावरुन दोघामध्ये वाद झाल्याची माहिती मिळाली. पोलिसांनी लगेच मोतीयानी याचा शोध सुरू केला. मात्र तो पांढरे रंगाच्या कारमधून त्याचा साथीदार स्वामी गोसावी याला सोबत घेऊन गेल्याची माहिती पोलिसांना मिळाली. त्याआधारे पोलिसांनी पाठलाग सुरू केला. आरोपी मध्यप्रदेशात भोपाळकडे निघाल्याची माहिती मिळाली. पोलिसांनी तातडीने सेंधवा (मध्यप्रदेश) येथे जाऊन आरोपीला अटक केली.
विट्यात पती-पत्नीचा टोकाचा निर्णय; फेसबुक Liveद्वारे पाहा काय केलं
असा केला गुन्हा
आरोपींकडे विचारपूस केल्यावर या गुन्ह्याची उकल झाली. विठ्ठल भोर व मनोज मोतीयानी यांचा प्रॉपर्टी खरेदी विक्रीचा व्यवहार आहे. एका कामासाठी ते २९ जुलैला निंबळक ता. नगर येथे जात होते. त्यावेळी त्यांच्यात वाद झाला. त्यावरुन मनोज मोतीयानी याने साथीदार स्वामी गोसावी याच्या मदतीने भोर यांच्या छातीवर स्क्रु ड्रायव्हरने वार केला. यामध्ये भोर यांचा मृत्यू झाला. आरोपींनी त्यांचा मृतदेह गाडीतून तसा पुढे नेला. लोणी परिसरातील पेट्रोलपंपाजवळ फेकून दिला. त्यानंतर आरोपी मध्यप्रदेशात पळून गेले. शेवटी पोलिसांनी त्यांच्या मुसक्या आवळल्याच.
जिल्हा पोलिस अधीक्षक राकेश ओला यांच्या मार्गदर्शनाखाली स्थानिक गुन्हे शाखेच पोलिस निरीक्षक दिनेश आहेर व त्यांचे सहकाऱ्यांनी अवघ्या काही तसांत हा गुन्हा उघडकीस आणून आरोपींना अटक केली.