फसवणूक झालेल्या नतून सावंत यांनी आपल्या बँक खात्यामधून ६ लाख ५४ हजार रुपयांची रक्कम भुरट्याने दिलेल्या बँक खात्यात वळती केली. दोन महिने होत आले तरी आकर्षक परतावा मिळत नाही म्हणून तो मिळण्यासाठी गुंतवणूकदारांनी चोराच्या मागे तगादा लावला. त्याने टाळाटाळ सुरू केली. आकर्षक परतावा नसेल तर किमान आमची मूळ किंमत परत करा, अशी मागणी गुंतवणूकदारांनी सुरू केली. त्यालाही चोराने प्रतिसाद देणे बंद केले. आपली फसवणूक झाल्याचे निदर्शनास आल्यावर गुंतवणूकदारांनी मानपाडा पोलीस ठाण्यात धाव घेऊन तक्रार दाखल केली. या प्रकरणी पोलिस आरोपीचा शोध घेत आहेत.