सांगली: संभाजी भिडे यांची सगळी वक्तव्ये निषेधार्ह आहेत. महात्मा गांधी यांचे कार्य देशातच नव्हे तर संपूर्ण जगात त्याचा गौरव करण्यात आला. असे वक्तव्य करून सामाजिक आरोग्य बिघडणार नाहीत याची काळजी घ्यायला पाहिजे, अशी टीका भाजपचे सांगली जिल्ह्याचे खासदार संजयकाका पाटील यांनी संभाजी भिडेंवर केली. आम्ही सामाजिक स्वास्थ्य बिघडणार नाही याची काळजी आम्ही घेऊ, असे म्हणत शिवप्रतिष्ठानचे धारकरी काही चुकीचे वक्तव्य करत असतील तर व्हिडीओ पाहून त्यांच्यावर कारवाई होईल असा इशारा त्यांनी यावेळी बोलताना दिला.

श्री शिवप्रतिष्ठान हिंदुस्थानचे संस्थापक संभाजी भिडे यांनी महात्मा गांधी यांच्या विरोधात केलेल्या वक्तव्यानंतर सर्वत्र संतापाची लाट उसळली आहे. आता सांगली जिल्ह्याचे भाजपचे खासदार संजयकाका पाटील यांनी भिडेंच्या वक्तव्याचा निषेध करत शिवप्रतिष्ठानच्या इशारा देणाऱ्या कार्यकर्त्यांवर टीका केली आहे. भिडेंचे वक्तव्य निषेधार्ह आहे. महात्मा गांधी हे राष्ट्रपुरुष आहेत. त्यांचे योगदान मोठे आहे. देशामध्ये नव्हे संपूर्ण जगात त्यांचा आदर केला जातो. भिडेंचे सगळे वाक्य निषेधार्ह आहे. असे वक्तव्य करून त्यांनी सामाजिक अस्वस्थता निर्माण करूनये, अशी टीका त्यांनी यावेळी बोलताना केली.

सांगलीमध्ये संजयकाका पाटील यांनी पत्रकारांशी संवाद साधला. दरम्यान, शिवप्रतिष्ठान हिंदुस्थानच्या धारकाऱ्यांनी काल सांगलीत दुग्धभिषेखवेळी भिडे गुरुजींच्या आडवे येणाऱ्यांना आडवे करू, असा इशारा दिला होता. त्यावर अशी वक्तव्ये करणाऱ्यांवर व्हिडीओ पाहून कारवाई केली जाईल, असा इशाराही त्यांनी दिला आहे.

महात्मा गांधींचा अपमान खपवून घेतला जाणार नाही, भिडे गुरुजींवर उचित कारवाई करू | देवेंद्र फडणवीस