बसचा प्रवास सुरक्षित असल्याने बहुतांश प्रवासी बसने जातात. विशेषतः ग्रामीण भागामध्ये मोठ्या संख्येने बसनेच प्रवास केला जातो. असे असतानाही बसच्या देखभाल दुरुस्तीकडे मात्र कायम महामंडळाचे दुर्लक्ष झाल्याचे दिसून येते. ग्रामीण भागात जाणाऱ्या बसेस यांची दयनीय अशी अवस्था झाली आहे. पावसाळ्याच्या दिवसात प्रवाशांना बसमध्ये बसल्यावर हातात छत्री घ्यावी लागते, असे विदारक चित्र आहे. गळक्या बस सोबतच वायपर बंद असणे, दरवाजा खिळखिळा होणे यातून एकाचा जीव गेल्याची ही घटना कंधार तालुक्यात मागील महिन्यात घडली होती. त्यातच आता चालकाने केलेल्या या कृत्याने पुन्हा एकदा भंगार बसेसच्या दुरावस्थेचा प्रश्न ऐरणीवर आला आहे.