वन्य जीवजंतू किंवा वनस्पती श्रेणीतील लुप्तप्राय प्रजातींची आयात-निर्यात करणे हे आंतरराष्ट्रीय व्यापार कराराचे उल्लंघन ठरते. त्यामुळे अशाप्रकारच्या अनुचित व्यापारावर ‘डीआरआय’कडून करडी नजर ठेवली जाते. याअंतर्गतच लुप्तप्राय प्रजातींची थायलंडहून मोठ्या प्रमाणावर मुंबईत तस्करी होणार असल्याची गुप्त माहिती ‘डीआरआय’च्या मुंबई प्रादेशिक कार्यालयाला मिळाली होती. त्याआधारे संचालनालयाने विमानतळाच्या कार्गो कॉम्प्लेक्स भागात तपास केला. त्यामध्ये सामानात जिवंत शोभिवंत मासे आढळले. मात्र विस्तृत तपासणी केला असता, आगळे चित्र समोर आले.

तस्करी रोखण्यात आलेल्या या सर्व प्रजाती शोभेच्या मासोळ्यांसह लपवून ठेवण्यात आल्या होत्या. जप्त केलेले कासव हे ग्रीक, लाल पाय असलेले, आशियाई स्पर्ड, पिवळे ठिपके असलेले, अल्बिनो रेडियर स्लाइडर, आशियाई/चायनीज लीफ टर्टल आणि रेड बेलीड शॉर्ट हेड टर्टल प्रजातींचे आहेत. ही सर्व प्रकारची कासवे अत्यंत नाजूक व शोभिवंत असतात. त्यामुळेच ती संरक्षित असतात. तसेच, या लुप्तप्राय प्रजाती असल्याने त्यांच्या व्यापारावर कडक निर्बंध आहेत, असे ‘डीआरआय’कडून सांगण्यात आले.
सावधान! नेटकऱ्यांनो पायरेटेड सिनेमा अन् वेब सिरीज बघाल तर खैर नाही, सरकारने आणला नवा नियम
या विदेशी प्राण्यांच्या पुनर्वसनासाठी वन्यजीव कायद्यांतर्गत पुढील कार्यवाही करण्यासाठी ‘डीआरआय’कडून वन्यजीव गुन्हे नियंत्रण ब्युरो आणि राज्याचे मुख्य वन्यजीव वॉर्डन यांच्याशी चर्चा केली जात आहे.

तस्करीत या प्रजातींच्या समावेश
पाण्यातील १०० कासवे (टर्टल), ६२ दगडी कासवे, ११० गोगलगायी, ३० चिमुकले खेकडे आणि चार स्टिंग रे मासे.