म. टा. प्रतिनिधी, नागपूर : महाराष्ट्र स्थावर संपदा नियामक प्राधिकरणाने (महारेरा) रिअल इस्टेट एजंटला परीक्षा देणे अनिवार्य केले आहे. त्याअंतर्गत एजंट्ससाठी एक अभ्यासक्रम बनविण्यात आला असून त्यावर आधारित बहुपर्यायी ऑनलाइन परीक्षा घेण्यात येतात. येत्या ६ ऑगस्टला दुसऱ्यांदा ही परीक्षा होणार असून प्राप्त माहितीनुसार, यासाठी ३,१३७ एजंट्स पात्र ठरले आहेत.
राज्यात सुमारे ३९ हजार स्थावर संपदा एजंट्स कार्यरत असून त्यांना १ सप्टेंबरपूर्वी प्रशिक्षण पूर्ण करून परीक्षा देऊन प्रमाणपत्र प्राप्त करणे आवश्यक आहे. ही बाब महारेराने १० जानेवारीला एका परिपत्रकाद्वारे जाहीर केलेली आहे. या सर्वांनी प्रमाणपत्र प्राप्त केले नाही तर १ सप्टेंबरनंतर त्यांना एजंट म्हणून काम करता येणार नाही, असे महाराराने पुन्हा स्पष्ट केले आहे. त्या पार्श्वभूमीवर ही परीक्षा घेण्यात येत आहे. यापूर्वी २० मे रोजी पहिल्यांदा परीक्षा झाली होती. त्यात ४२३ एजंट सहभागी झाले होते. त्यातील ४०५ जण उत्तीर्ण झाले होते. रिअल इस्टेट क्षेत्रातील आणखी ३,१३७ एजंट्स अपेक्षित प्राथमिक प्रशिक्षण पूर्ण करून ६ ऑगस्ट रोजी राज्यात होणाऱ्या परीक्षेसाठी पात्र ठरले आहेत. यात नागपूरसह मुंबई, पुणे, पंढरपूर, लातूर, जळगाव, धुळे, अमरावती, अकोला, अहमदनगर, औरंगाबाद, कोल्हापूर, नाशिक, सांगली, सातारा, सोलापूर महानगरातील एजंट्स सहभागी होणार आहेत.
फॉरेनसाठी पुणेकरांचे टेकऑफ, पासपोर्टची मागणी झाली दुप्पट; पण ‘या’ चुका कराल तर रंगाचा बेरंग होईल
पारदर्शकता येण्यासाठी महारेराचा निर्णय
राज्यात सुमारे ३९ हजार स्थावर संपदा एजंट्स कार्यरत असून त्यांना १ सप्टेंबरपूर्वी प्रशिक्षण पूर्ण करून परीक्षा देऊन प्रमाणपत्र प्राप्त करणे आवश्यक आहे. ही बाब महारेराने १० जानेवारीला एका परिपत्रकाद्वारे जाहीर केलेली आहे. या सर्वांनी प्रमाणपत्र प्राप्त केले नाही तर १ सप्टेंबरनंतर त्यांना एजंट म्हणून काम करता येणार नाही, असे महाराराने पुन्हा स्पष्ट केले आहे. त्या पार्श्वभूमीवर ही परीक्षा घेण्यात येत आहे. यापूर्वी २० मे रोजी पहिल्यांदा परीक्षा झाली होती. त्यात ४२३ एजंट सहभागी झाले होते. त्यातील ४०५ जण उत्तीर्ण झाले होते. रिअल इस्टेट क्षेत्रातील आणखी ३,१३७ एजंट्स अपेक्षित प्राथमिक प्रशिक्षण पूर्ण करून ६ ऑगस्ट रोजी राज्यात होणाऱ्या परीक्षेसाठी पात्र ठरले आहेत. यात नागपूरसह मुंबई, पुणे, पंढरपूर, लातूर, जळगाव, धुळे, अमरावती, अकोला, अहमदनगर, औरंगाबाद, कोल्हापूर, नाशिक, सांगली, सातारा, सोलापूर महानगरातील एजंट्स सहभागी होणार आहेत.
फॉरेनसाठी पुणेकरांचे टेकऑफ, पासपोर्टची मागणी झाली दुप्पट; पण ‘या’ चुका कराल तर रंगाचा बेरंग होईलपारदर्शकता येण्यासाठी महारेराचा निर्णय
रिअल इस्टेट क्षेत्रात ‘एजंट’ हा घर खरेदीदार आणि विकासक यांच्यातील अत्यंत महत्त्वाचा दुवा आहे. बहुतेकवेळा ग्राहक पहिल्यांदा एजंटच्याच संपर्कात येतात. ग्राहकांना प्रकल्पाच्या अनुषंगाने प्राथमिक माहिती त्यांच्याकडूनच मिळते. एजंट्सचे हे महत्त्व लक्षात घेऊन या क्षेत्रात कार्यरत सर्व एजंट्सना रेरा कायद्यातील महत्त्वाच्या तरतुदी माहीत असायला हव्यात. त्यांच्याकडून ग्राहकाला आदर्श विक्री करार, घर नोंदणी केल्यानंतर दिले जाणारे नोंदणीपत्र आदींबाबत तरतुदींची प्राथमिक माहिती देताना त्यात समानता, सातत्य आणि स्पष्टता असायला हवी. या माहितीच्या आधारेच ग्राहक घरखरेदीचा निर्णय घेतात. म्हणून ग्राहकहित डोळ्यासमोर ठेवूनच महारेराने हे प्रशिक्षण आणि प्रमाणपत्र बंधनकारक केलेले आहे.