तालुका पोलीस ठाण्याचे हेडकॉन्स्टेबल बापु कोळी, पोलीस नाईक ज्ञानेश्वर कोळी तसेच हेडकॉन्स्टेबल सुधाकर शिंदे यांनी घटनास्थळी धाव घेतली. घटनेची माहिती मिळाल्यावर परिसरातील नागरिकांनी याठिकाणी धाव घेतली. प्रजापत नगर परिसरातील वृंदावन कॉलनीतील गणेश रमेश महाजन हे घटनास्थळी आले. मयत हा आपलाच शालक असल्‍याचे पाहून त्यांना धक्का बसला. अशाप्रकारे मयताची ओळख पटली. त्यानंतर तालुका पोलिसांनी मयताचा मृतदेह जिल्हा रूग्णालयात हलविला. शनिवार २९ रोजी सकाळी जिल्हा रुग्णालयात शवविच्छेदन करण्यात येवून मृतदेह नातेवाईकांच्या ताब्यात देण्यात आला. याप्रकरणी तालुका पोलिसात अकस्मात मृत्यूची नोंद करण्यात आली. दरम्यान मयत सतीश यांच्या पश्चात पत्नी, एक मुलगा, आई, लहान भाऊ संदीप, दोन विवाहित बहिणी असा परिवार आहे.