बारामती : माऊलीनंतर एखाद्याला सर्वात जवळची कोणी असेल, तर ती म्हणजे बहीण. म्हणूनच आईसारखं तिला ‘ताई’ म्हटलं जातं. बहीण-भावाच्या पवित्र नात्याची महती अधोरेखित करणारी एक घटना समोर आली आहे. आजच्या काळात काहीही ‘द्यायचं’ म्हटलं की हात आखडते घेतले जातात. मात्र पुणे जिल्ह्याच्या बारामती तालुक्यातील बहिणीने भावासाठी सर्वात मोठं दान दिलं आहे. कोट्यवधींची संपत्ती कवडीमोल ठरेल, असं हे दान. सुभाष जगन्नाथ गडदरे आणि वैजयंता वलेकर अशी या बहीण भावांची नावं आहेत. खरं तर भावा बहिणीच्या नात्यात काही कारणाने अंतर आलं होतं, मात्र या घटनेमुळे त्यांच्या नात्याची वीण आणखी घट्ट बांधली गेली आहे.
बारामती तालुक्यातील गडदरवाडी येथे राहणारे हे दोघे बहीण भाऊ. सुभाष गडदरे हे सोमेश्वर साखर कारखान्यात स्वीच ऑपरेटर म्हणून काम करतात. त्यांना किडनीचा त्रास होता. मात्र २०२१ पासून त्रास खूप वाढला. रक्तदाब दोनशेपेक्षा अधिक राहू लागला. आयुर्वेदिक उपचारांनंतरही फरक पडला नाही. त्यांना शेवटी डायलीसिस करावे लागत होते. घरात कर्ती व्यक्ती असल्यामुळे सर्व जबाबदारी सुभाष यांच्यावर होती. सुभाष यांची किडनी बदलण्याचा निर्णय कुटुंबियांकडून घेण्यात आला.
बारामती तालुक्यातील गडदरवाडी येथे राहणारे हे दोघे बहीण भाऊ. सुभाष गडदरे हे सोमेश्वर साखर कारखान्यात स्वीच ऑपरेटर म्हणून काम करतात. त्यांना किडनीचा त्रास होता. मात्र २०२१ पासून त्रास खूप वाढला. रक्तदाब दोनशेपेक्षा अधिक राहू लागला. आयुर्वेदिक उपचारांनंतरही फरक पडला नाही. त्यांना शेवटी डायलीसिस करावे लागत होते. घरात कर्ती व्यक्ती असल्यामुळे सर्व जबाबदारी सुभाष यांच्यावर होती. सुभाष यांची किडनी बदलण्याचा निर्णय कुटुंबियांकडून घेण्यात आला.
कुटुंबातील पाच मावशांच्या किडनी यावेळी तपासण्यात आल्या. परंतु संबंधित तज्ज्ञांनी नकार दिला. सुभाष यांचे चुलते बापूराव गडदरे, पत्नी संगीता गडदरे व बहीण वैजयंता यांच्या किडनीची तपासणी केली. वैजयंता यांची किडनी त्यांच्याशी मिळती जुळती होती. हे वैजयंता यांना समजल्यानंतर त्यांनी तातडीने किडनी बदलून टाकू, वेळ घालवायला नको असा हट्ट धरला.
आजीची तब्येत बिघडली, भेटीला आलेला नातू पायरी चढतानाच कोसळला, एकाच वेळी दोन अंत्ययात्रा
वैजयंता यांना त्यांचे पती दादासाहेब, मुले व सासू-सासरे यांचाही भक्कम पाठिंबा मिळाला. सुभाष यांनी दीड वर्ष किडनीचा आजार अंगावर काढला होता. मात्र बहिणीच्या तयारीमुळे त्यांनाही आत्मविश्वास वाटला. पुण्यातील खासगी रूग्णालयात डॉ. सूर्यभान भालेराव व डॉ. तरूण जलोका यांनी केलेली शस्त्रक्रिया यशस्वी झाली.
यावेळी सुभाष गडदरे म्हणाले की, माझ्या लहान बहिणीने मोठे मन दाखविले. आपली किडनी भावाला देण्यासाठी योग्य आहे, हे समजल्यावर तिने कुठलाही विचार न करता स्वतःची किडनी मला दिली. मला खऱ्या अर्थाने तिचा अभिमान असल्याचे ते म्हणाले. तपासणी करून आलो आणि किडनी उत्तम कार्य करत आहे, असेही त्यांनी सांगितले.