याबाबत अल्पवयीन मुलाच्या वडिलांनी भारती विद्यापीठ पोलिस ठाण्यात तक्रार दिली आहे. त्यानुसार पोलिसांनी सराईत गुन्हेगार अमोल आडम याच्यासह चौघांवर गुन्हा दाखल केला आहे. दोघा अल्पवयीन मुलांना ताब्यात घेण्यात आले आहे.

कोल्हापूरकरांसाठी आनंदाची बातमी; महापुराचे संकट टळले; जाणून घ्या बालिंगा पूल कधी सुरू होणार
आरोपींनी कबुतरे पाळली होती. त्यातील एक कबुतर बारा वर्षाच्या मुलाने घरी नेले. या कारणावरून चिडलेला अमोल आडम हा त्याच्या तीन साथीदारांसह संतोषनगरमध्ये गेला. त्यांनी हवेत कोयते फिरवून दहशत निर्माण केली. जर कोणी मध्ये आले तर एका एकाला तोडून टाकीन, असे धमकावले. बारा वर्षाच्या मुलाला हाताने मारहाण केली. शिवीगाळ करून जीवे मारण्याची धमकी दिली. त्याला दुचाकीवर बसवून कात्रज येथील साई अपार्टमेंट येथे नेले. तेथे त्याला कबुतराची विष्ठा खायला लावली.

राजापूर शहर अलर्ट मोडवर; पुराचे पाणी जवाहर चौकातून बाजारपेठेच्या दिशने, प्रशासनाकडून इशारा
पोलिसांना आमचे घर दाखविले तर तुला जिवंत ठेवणार नाही, अशी धमकी देऊन त्याला साई मंदिराजवळ सोडून देण्यात आले. मुलाने हा प्रकार वडिलांना सांगितला. पोलिसांनी चौघांवर गुन्हा दाखल केला असून दोघा अल्पवयीन मुलांना ताब्यात घेतले आहे. सहायक पोलिस निरीक्षक वर्षा तावडे तपास करीत आहेत.