Mumbai Crime : डोंबिवली येथील वडिलांचं घर गहाण ठेवलं होतं, मात्र नवं घर घेताना लाखोंची फसवणूक झाल्याने क्राइम पेट्रोल शोमध्ये पोलिसाची भूमिका साकारणारे अभिनेते सतीश नायकोडे यांनी ‘वय वर्ष 50, काय उरलं आयुष्यात, परत कसं उभं राहायचं?’ असा उद्विग्न सवाल विचारला
सतीश नायकोडे काय म्हणाले?
एक व्हिडिओ शेअर करत सतीश नायकोडे म्हणाले, की “घर घेण्याचं स्वप्न बाळगलं होतं, त्यासाठी वडिलांचं डोंबिवलीतलं घर एका प्रायव्हेट फायनान्स कंपनीकडे गहाण ठेवलं होतं. ते पैसे मी आस्था प्रॉपर्टीजच्या माध्यमातून घर घेण्यासाठी गुंतवले. तिथे असणारे सच्चिदानंद बामणे, अँग्नल परेरा, आकाश सोनी… सगळ्यांत यांचा मास्टरमाईंड म्हणजे शैलेश काकण. त्याचबरोबर त्यांचे दोन साथीदार म्हणजे अभिषेक गुजर आणि रुपेश बेळमकर. ही सगळी टोळी आहे आणि यांच्यावर नक्कीच कुणाचा तरी वरदहस्त आहे.”
Nagpur Crime : लग्नाचा तगादा, 29 वर्षीय प्रेयसीचा 9 मिनिटात काटा काढला, रेल्वे ट्रॅकमनने पोलिसांना सांगितलं, 18 तासात गजाआड
फसवणूक करणारी टोळी
नायकोडे पुढे म्हणाले की, “यांनी अनेक कुटुंबांची अशी फसवणूक केलेली आहे, की घर देतो असं सांगून पहिले एक नॉर्मल घर दाखवायचं. नंतर त्याचा व्यवहार होत नाही. एक मोठी रक्कम काढून घ्यायची आणि नंतर SRA चं घर दाखवायचं. साहजिकच चाळीत घर घेणाऱ्या माणसाला SRA चं घर दिसतंय, सोसायटीत दिसतंय, लिफ्ट असलेली बिल्डिंग मिळतेय तर लोक अजून पैसे देऊन पुढे सरसावतात. मग या लोकांनी सरकारी कागदपत्रं, SRA चे लेटरहेड, अधिकारांच्या सह्या, सरकारी शिक्के, स्वतः SRA ऑफिसमध्ये नेऊन केबिनमध्ये बसवून… मग समोर बसलेली व्यक्ती कोण होती, त्यांचं ID कार्ड तर आम्ही नाही मागू शकत ना, की आता SRA च्या बिल्डिंगमध्ये तुम्ही आहात. त्या केबिनमध्ये त्या टेबलवर आहात. समोर बसलेली व्यक्ती कोण आहे, असं कसं विचारणार? तुमचा आयडी दाखवता , असं नाही विचारणार. एवढं सगळं दिसतंय आणि मला वाटतं अशी यांची अजून चार दोन कुटुंब पण यांच्यासोबत असावीत की जे आमच्यासारख्या लोकांना हे भासवायचे की बघा आम्हाला घर मिळालंय. आमचे पेपर तयार झालेत. आमचे पेपर क्लिअर झालेत. आम्हाला अलॉटमेंट मिळतंय.”
“SRA हा मुद्दा नंतर आणायचा, पहिलं कुठेतरी नॉर्मल घर दाखवायचं. कारण काय SRA चे प्रॉब्लेम्स काय आहेत हे बऱ्याच लोकांना माहिती आहे. मग अशा लोकांना कसं गुंतवायचं? तर मग पैसे पहिले काढून घ्यायचे नॉर्मल घर दाखवून आणि मग तो व्यवहार होत नाहीये. आणि आता पैसे पण परत देऊ शकत नाही, तर निदान पैसे नाहीत, तर SRA चं घर घ्या आणि माणसाकडे काही पर्याय राहत नाही. मग ठीक आहे बाबा घर तर दे.” असं नायकोडे सांगतात.
Faridabad Teacher Murder : माजी विद्यार्थ्याची घाणेरडी मागणी, सरस्वती स्कूलच्या शिक्षिकेचा नकार, टीचरच्या खुनामागील रहस्याचा उलगडा; दोन मुलांच्या डोळ्यांना आईचा शोध
वय वर्ष पन्नास झालंय, परत कसं उभं राहायचं?
“आतापर्यंत माझे त्यांना दिलेले आहेत साडेचोवीस लाख. ज्याची साडेबावीस लाखाची व्हाईट एंट्री आहे. लोन घेऊन मी दिली आहे. त्या व्यतिरिक्त मी नऊ वर्ष हप्ता भरतोय त्यांना दिलेल्या पैशांचा. दर महिन्याला बेचाळीस ते पंचेचाळीस हजार रुपये हप्ता, सुरुवातीला पंचेचाळीस, आता बेचाळीस. साडेआठ वर्षांचा हिशोब साधारण ४४-४५ लाख रुपये. मी तर बँकेला देऊन बसलोय. शिवाय ज्या प्रॉपर्टीवरती लोन काढलंय त्याचं जर foreclose करायचंय तर अजून ३० लाख ५० हजार रुपये मला द्यायचे आहेत. ते बँकेला भरलेले जवळपास ४४-४५ लाख आणि यांना दिलेले २४ लाख. काय उरलं आयुष्यात आता? वय वर्ष पन्नास झालंय. परत कसं उभं राहायचं?” असा उद्विग्न सवाल नायकोडे यांनी विचारला.
लेखकाबद्दलअनिश बेंद्रेअनिश बेंद्रे हे महाराष्ट्र टाइम्स ऑनलाइनमध्ये सहाय्यक वृत्त संपादक या पदावर कार्यरत आहेत. ते मटा ऑनलाईनमध्ये २०२२ पासून कार्यरत आहेत. टीव्ही आणि डिजिटल अशा दोन्ही माध्यमांचा एकत्रित १३ वर्षांचा अनुभव त्यांच्या गाठीशी आहे. त्यांना राजकारण, समाजकारण यासोबतच मनोरंजन, गुन्हेगारी यासारख्या विविध विषयांवरील बातम्यांचे लेखन करण्याचा अनुभव आहे.
पत्रकारितेतील अनुभव
अनिश बेंद्रे यांनी टीव्ही माध्यमातून पत्रकारितेला सुरुवात केली. एबीपी माझा वृत्तवाहिनीत सर्वप्रथम त्यांना प्रॉडक्शन आणि टिकर विभागात काम करण्याची संधी मिळाली. मराठी भाषेवरील प्रभुत्वामुळे त्यांनी लिहिलेल्या आकर्षक हेडलाईन्स सहकाऱ्यांसह प्रेक्षकांची वाहवा मिळवून गेल्या. त्यानंतर २०१५ मध्ये एबीपी माझा वृत्तवाहिनीच्याच वेब टीमसोबत त्यांनी डिजिटल विश्वात कामाचा श्रीगणेशा केला. डिजिटल माध्यमासाठी लेखन करण्याचं आव्हान पेलताना त्यांनी लक्षवेधी मथळे लिहिण्याचं कसब आत्मसात केलं. एबीपी समुहासोबत जवळपास ६ वर्षांच्या कार्यकाळात त्यांनी विविध जबाबदाऱ्या पार पाडल्या. ट्रेनी, असिस्टंट प्रोड्युसर पदापासून प्रोड्युसरपर्यंत संधी मिळवली. मराठी भाषा दिवस, आंतरराष्ट्रीय पुरुष दिन, विवाहबाह्य संबंधावरील सुप्रीम कोर्टाचा निर्णय, वर्ल्ड टीव्ही डे यासारख्या विषयांवर त्यांनी केलेल्या डॉक्युमेंट्रीही विशेष गाजल्या.
पुढे टीव्ही९ मराठी वृत्तवाहिनीच्या वेबसाईटसोबत त्यांनी चार वर्ष काम केलं. यावेळी त्यांच्यातील नेतृत्व गुणांना वाव मिळाला. मॉर्निंग शिफ्ट इन्चार्ज म्हणून काम करताना बातमी लेखनाचं तंत्र शिकवण्यासोबतच त्यांनी सहकाऱ्यांना वेळोवेळी मार्गदर्शन केले. टीमसोबत समन्वय राखणे, प्रत्येकातील गुण हेरुन त्यानुसार कामाची विभागणी करणे यामध्ये त्यांचा हातखंडा आहे. कारकिर्दीच्या १३ वर्षांपैकी दहाहून अधिक वर्ष त्यांनी डिजिटल विश्वात काम केलं आहे. या काळात लोकसभा-विधानसभा-महापालिका यासारख्या विविध निवडणुकांचा त्यांनी बारकाईने अभ्यास केला आहे.
अनिश बेंद्रे २०२२ पासून महाराष्ट्र टाइम्स ऑनलाईनसोबत काम करत आहेत. सुरुवातीपासूनच मॉर्निंग शिफ्ट इन्चार्ज म्हणून काम करताना त्यांनी सहाय्यक वृत्त संपादक पदापर्यंत उन्नती मिळवली आहे. बातम्यांच्या सखोल विश्लेषणासोबतच बातमीमागील बातमी जाणून घेण्यात त्यांना रस आहे. बातमीचे विविध पैलू जाणून घेत सोप्या भाषेत ते प्रेक्षकांपर्यंत पोहोचवण्याचा त्यांचा प्रयत्न असतो. मानसशास्त्र विषयातील अभ्यासामुळे गुन्हेगारी बातम्या उलगडून सांगण्यात त्यांना मदत होते. याशिवाय मटा मॉर्निंग बुलेटिनच्या सूत्रसंचालनाची जबाबदारी त्यांनी स्वीकारली होती. तसंच मटा पत्रकार परिषद या निवडणूक विषयक कार्यक्रमाची संकल्पना-संयोजन आणि सूत्रसंचालनही त्यांनी केले होते. निवडणुकांच्या निमित्ताने त्यांनी विविध मान्यवरांच्या मुलाखती घेतल्या, सखोल राजकीय विश्लेषण केले, तसेच सामान्य नागरिकांशी संवाद साधणारे काही कार्यक्रमही व्हिडिओ टीमसोबत केले.
शैक्षणिक पात्रता
अनिश बेंद्रे यांनी २०१२ मध्ये रुपारेल महाविद्यालयातून मानसशास्त्र विषयात पदवी संपादन केली. त्यानंतर झेवियर्स महाविद्यालयातून मास कम्युनिकेशन विषयात पदव्युत्तर शिक्षण घेतले. मराठीसोबतच हिंदी, इंग्रजी, संस्कृत आणि जपानी भाषेचाही त्यांनी अभ्यास केला आहे.… आणखी वाचा