फैजपूर शहरातील लक्कड-पेठ भागात डी के मोरे ज्वेलर्सचे दत्तात्रय मोरे वास्तव्याला आहेत. त्यांची आई कमलाबाई या त्यांच्याकडे राहत असतात, तर त्यांचे दुसरे भाऊ विष्णू मोरे हे त्यांच्या कुटुंबासह फैजपूर शहरातीलच भारंबे वाड्यात राहतात.

२४ वर्षीय तरुणाशी ३६ वर्षीय विवाहितेचे अनैतिक संबंध, पतीची हत्या, नवी मुंबईतील जंगलात पुरलं
आई कमलाबाई यांची प्रकृती गंभीर असल्याबाबत दत्तात्रय मोरे यांच्याकडून मंगळवारी सकाळी भाऊ विष्णू मोरे यांना कळविण्यात आले. आजीची प्रकृती गंभीर असल्याची माहिती मिळाल्यावर विष्णू मोरे यांचा मुलगा वैभव ऊर्फ विक्की हा आजीला पाहण्यासाठी काकाच्या घराकडे निघाला.

एकत्र जेवण ठरलं अखेरचं, जीवलग मित्र भरधाव ट्रिपल सीट निघाले, गाडीला धडकून दोघांचा मृत्यू
काकाच्या घराची पायरी चढताच वैभव याला तीव्र हृदयविकाराचा झटका आला. यात तो खाली कोसळला, या ठिकाणच्या नातेवाईकांनी त्याला तातडीने रुग्णालयात नेले, मात्र तोपर्यंत उशीर झाला होता. वैभवला डॉक्टरांनी मयत घोषित केले. या घटनेने मोरे कुटुंबावर दुःखाचा डोंगर कोसळला असता, दुसरी दुःखद घटना घडली.

आजी अन् नातवाची एकमेकांशी शेवटची भेटही झाली नाही…

नातू वैभवच्या मृत्यूनंतर अवघ्या दोन तासांनी वैभवची आजी कमलाबाई यांचाही मृत्यू झाला. वैभव मोरे याचा पहाटे चार वाजेच्या सुमारास, तर त्याची आजी कमलाबाई मोरे यांचा दोन तासाच्या अंतराने सकाळी सहा वाजता मृत्यू झाला. आजीची भेट घेण्यासाठी वैभव घरापर्यंत पोहचला मात्र आजीला पाहण्यापूर्वीच त्याच्यावर हृदयविकाराच्या झटक्याच्या रुपाने काळाने झडप घातली. वैभव आणि आजीची शेवटची भेट होऊ शकली नाही.

पाणी देऊ नका, नाहीतर… छातीदुखीने बेशुद्ध प्रवाशाला जीवदान, शिकाऊ नर्सनी सांगितला प्रसंग
एकाच दिवशी अवघ्या दोन तासांच्या अंतरात आजी व नातवाच्या मृत्यूने फैजपूर शहर सुन्न झालं आहे. मंगळवारी दुपारी आजी आणि नातवाची एकाचवेळी अंत्ययात्रा निघाली. शोकाकुल वातावरणात दोघांवर अंत्यसंस्कार करण्यात आले. यावेळी शहरातील नागरिक व समाज बांधव मोठ्या संख्येने उपस्थित होते