मूर्तिकारांना उसंत

श्रावण मासाची चाहुल लागताच श्रींच्या मूर्ती बनविण्याची लगबग सुरू होते. यंदा मात्र या मूर्तिकारांना वाढीव १८ दिवसांचा कालावधी हाती मिळणार आहे. श्रींची मूर्ती बनविणाऱ्या कारखान्यांमध्ये मूर्तिकार कामाला लागले आहेत. मार्च ते एप्रिल महिन्यापासूनच मूर्ती घडविण्याचे काम सुरू झाले आहे. श्रावण महिन्यात मूर्तीस अखेरचा आकार देत रंगरंगोटीच्या कामांना सुरुवात होणार आहे.
Nashik News: नवनियुक्त आयुक्तांना हवी बदल्यांची कुंडली; माहिती सादर करण्याचे अधिकाऱ्यांना फर्मान
सणांची बाजारपेठ गजबजणार

श्रावण महिन्यास दि. १७ ऑगस्टपासून सुरुवात होणार आहे. या महिन्यात मंगळागौर पूजन, नागपंचमी, श्रावणी सोमवार, श्रावणी शनिवार, रक्षाबंधन, जिवतीपूजन आणि श्रीकृष्ण जन्माष्टमीसारख्या सणोत्सवांची रेलचेल असते. या सणांसाठीची बाजारपेठही मोठी आहे. या सणोत्सवांसाठी लागणाऱ्या साहित्याने काही दिवसांतच शहरातील बाजारपेठ गजबजणार आहे.