दीपक मानकर हे राष्ट्रवादी काँग्रेसचे कोथरूडचे बडे नेते आहेत. तर चंद्रकांत पाटील हे कोथरूड विधानसभा मंतदारसंघाचे आमदार आहेत. त्यामुळे मानकर-पाटील भेटीने आता कोथरूड विधानसभा मतदार संघातील गणिते भाजपसाठी आणखी सोपे झाले आहेत असं राजकीय जाणकारांचं मत आहे. तर दुसरीकडे काही महिन्यात येऊ घातलेल्या महापालिका निवडणुकीच्या तोंडावर देखील मानकर-पाटील यांच्या भेटीने वातावरण बदलले आहे.

पुण्यात महापालिका निवडणुकीत खरी लढाई भाजप आणि राष्ट्रवादीत होती. त्यात आता अजित पवार यांनी भाजप सोबत जात सत्तेत जाण्याचा निर्णय घेतल्याने पुण्यात मोठा संघर्ष निर्माण झाला आहे. कोणत्या प्रभागात कोणत्या पक्षाची ताकद जास्त आणि जागा वाटप यावरून राष्ट्रवादी-भाजपात वातावरण गरम असताना भाऊ-दादांच्या या भेटीमुळे या गरम वातावरणात तात्पुरता तरी गारवा जाणवेल हे नक्की. आता या दोन्ही नेत्यांच्या भेटीने भाजप-राष्ट्रवादीने पुण्यात जुळवून घेण्यास सुरवात केलीय हे नक्की….