या पलिकडे जाऊन २००४पासून निवडून आलेल्या १३२६ आमदार, खासदारांपैकी ४२२ लोकप्रतिनिधींवर खून, खुनाचा प्रयत्न, बलात्कार, बलात्काराचा प्रयत्न, खंडणी, विनयभंग असे गंभीर स्वरूपाचे गुन्हे दाखल आहेत. त्यांची संपत्तीही दिवसेंदिवस वाढत असून, गंभीर गुन्हा दाखल असलेल्या आमदार, खासदारांकडे सरासरी १४.७९ कोटी रुपयांची मालमत्ता आहे, अशी माहिती ‘एडीआर’चे संस्थापक सदस्य व गोखले इन्स्टिट्यूटचे कुलगुरू डॉ. अजित रानडे यांनी पत्रकार परिषदेत दिली. ‘महाराष्ट्र इलेक्शन वॉच’चे राज्य समन्वयक शरद कुमार या वेळी उपस्थित होते.

‘एडीआर’च्या सर्वेक्षणानुसार कोणत्या पक्षाने किती गुन्हे दाखल असलेल्या उमेदवारांना तिकिटे दिली, याचाही तपशील सर्वेक्षणात देण्यात आला आहे. त्यानुसार भाजप, शिवसेना, काँग्रेस, राष्ट्रवादी काँग्रेस, आम आदमी पार्टी, बहुजन समाज पक्ष अशा सर्वच पक्षांनी गुन्हेगारी पार्श्वभूमी असलेल्या व्यक्तींना उमेदवारी दिल्याचे दिसून आले आहे.

‘धनाढ्य गुन्हेगार’ नेत्यांची पक्षनिहाय आकडेवारी (आमदार व खासदार) (२००४ ते २०१९)

सत्ताधारी भाजप पक्षाच्या एकूण ७२७ उमेदवारांपैकी ३९५ उमेदवारांवर गुन्हे दाखल आहेत. यापैकी २१६ उमेदवारांवर गंभीर गुन्हे दाखल आहेत. यापैकी ३८६ उमेदवार निवडून आले. तसेच काँग्रेस पक्षाच्या ८३५ उमेदवारांवर गुन्हे दाखल असून यापैकी ३०६ उमेदवारांवर गुन्हे दाखल आहेत. काँग्रेस पक्षाचे गुन्हेगारी पार्श्वभूमी असलेले २६७ उमेदवार निवडून आले. शिवसेना पक्षाने २००४ ते २०१९ या काळात एकूण ७७३ उमेदवार दिले होते यातील ४९५ उमेदवारांवर गुन्हे दाखल आहेत. तसेच यापैकी ३०९ उमेदवारांवर गंभीर स्वरूपाचे गुन्हे दाखल असल्याची नोंद आहे. शिवसेनेने एकूण दिलेल्या उमेदवारांपैकी २८३ उमेदवार निवडून आले.

राष्ट्रवादी काँग्रेस पक्षाकडून २००४ ते २०१९ याकाळात एकूण ७०० उमेदवार निवडणुकीच्या रिंगणात उतरवण्यात आले. या उमेदवारांपैकी ३११ जणांवर गुन्हे दाखल आहेत तसेच यातील १९१ जणांवर गंभीर स्वरूपाचे गुन्हे दाखल आहेत. राष्ट्रवादी काँग्रेस पक्षाचे गुन्हेगारी पार्श्वभूमी असलेले २५० उमेदवार जनतेने निवडून दिले. २०१४ साली उदयास आलेल्या अरविंद केजरीवालांच्या आम आदमी पार्टीकडूनही आतापर्यंत ७० उमेदवार निवडणुकीच्या रिंगणात उतरवण्यात आले असून त्यापैकी १२ उमेदवारांवर गुन्हे दाखल आहेत. तसेच पाच उमेदवारांवर गंभीर स्वरूपाचे गुन्हे दाखल आहेत.

Pune News: खातेवाटपात अजित पवारांची दादागिरी, आता पुण्याचे पालकमंत्री पदही मिळणार?निवडणुकांमध्ये मत देताना मतदारांनी उमेदवारांच्या गुन्हेगारी, धनाढ्य पार्श्वभूमीचा विचार करून मते द्यावीत या हेतूने हे सर्वेक्षण केले आहे. आपला लोकप्रतिनिधी कोणत्या पार्श्वभूमीचा आहे, हे पाहूनच त्याला मत द्यायचे की नाही, हे मतदारांनी ठरवण्याची गरज आहे. त्यासाठी अशा माध्यमातून जनजागृती करीत आहोत असे ‘एडीआर’चे संस्थापक सदस्य डॉ. अजित रानडे यांनी सांगितले.