सण-उत्सवाच्या कालावधीत मिठाई, खवा, पनीर, तूप, दूध, खाद्यतेल, बेसन आणि सुका मेवा यांसारख्या अन्नपदार्थांची मागणी अल्पावधीत अनेकपटीने वाढते आणि त्याच अनुषंगाने भेसळ, बनावट उत्पादन आणि असुरक्षित अन्नाच्या पुरवठ्यास आर्थिक प्रोत्साहन निर्माण होते. या पार्श्वभूमीवर अन्न व औषध प्रशासनाने वर्षभरातील सर्व सण, उत्सव, यात्रा, उरूस आणि इतर धार्मिक पर्वांसाठी कायमस्वरूपी लागू राहणारा सर्वसमावेशक स्थायी आदेश लागू केला आहे.

सामूहिक अन्नवाटपाबाबत आदेश जारी

महाप्रसाद, इफ्तार मेजवानी, अन्नछत्र, लंगर व भंडारा अशा स्थळांना अन्न सुरक्षा अधिकाऱ्यांनी प्रत्यक्ष भेट देऊन अन्न सुरक्षा कायदा व मानके यांचे पालन होते की नाही याची खात्री करावयाची आहे. अन्न शिजविणारा व पुरविणारा केटरर हा “Caterer” या व्यवसाय प्रकाराखाली परवानाधारक असणे कायद्याने आवश्यक असून, त्याने परिशिष्ट-क मधील नमुन्यात कार्यक्रमापूर्वी किमान सात दिवस अगोदर पदनिर्देशित अधिकाऱ्यास पूर्वसूचना द्यावयाची आहे. आयोजक मंडळे व संस्थांनी केवळ वैध परवानाधारक केटररमार्फतच अन्नवाटप करावे.

Pune News : वडिलांवर हात उचलणारा ते बापटांना मारहाण करणारा; पुण्यात थरार घडवणाऱ्या संतोष चव्हाणची धक्कादायक पार्श्वभूमी

अन्न व्यवसाय चालकांसाठी नियम काय?

• वैध परवाना अथवा नोंदणी योग्य व्यवसाय प्रकाराखाली धारण करून ती ” Food Safety Connect” अॅपच्या QR Code सह दर्शनी भागात प्रदर्शित करावी.
• कच्चा माल केवळ परवानाधारक अथवा नोंदणीकृत पुरवठादारांकडूनच बिलासह खरेदी करावा व अभिलेख किमान एक वर्ष जतन करावेत.
• परवानगी नसलेले खाद्यरंग, अखाद्य घटक व औद्योगिक रसायनांचा वापर करू नये; वापरलेले स्वयंपाकाचे तेल केवळ प्राधिकृत RUCO संकलकांकडेच द्यावे.
• अन्न हाताळणाऱ्या प्रत्येक कर्मचाऱ्याचे वार्षिक वैद्यकीय तंदुरुस्ती प्रमाणपत्र व दर पंचवीस हाताळणाऱ्यांमागे किमान एक FOSTaC प्रमाणित अन्न सुरक्षा पर्यवेक्षक आवश्यक.