नगर शहरात सातत्याने अप्रिय आणि वाईट घटना होत आहेत. काही समाजकंटक जाणूनबुजून या घटना घडवत आहेत. त्यामुळे शहरातील शांततेस बाधा निर्माण होत आहे. पोलीस प्रशासन समाजकंटकांवर कारवाई न करता अनेकदा बघ्याची भूमिका घेत आहेत. त्यामुळे नगर शहरात अशांतता निर्माण होत आहे. अशा परिस्थितीत बिघडत असलेली नगर शहराची कायदा सुव्यवस्था सुरळीत होण्यासाठी उपमुख्यमंत्री या नात्याने आपण वैयक्तिक लक्ष घालावे, अशी मागणी गंधे आणि पारखी यांनी केली आहे. उपमुख्यमंत्री देवेंद्र फडणवीस यांनी या मागणीला सकारात्मक प्रतिसाद दिला. यामध्ये लक्ष घालून संबंधितांना योग्य त्या सूचना दिल्या जातील, असे आश्वासन उपमुख्यमंत्री देवेंद्र फडणवीस यांनी या पदाधिकाऱ्यांना दिले आहे.