पालघर : इमारतीच्या गच्चीवरून खाली पडून १३ वर्षांच्या मुलाचा मृत्यू झाल्याची हृदयद्रावक घटना भाईंदर परीसरात घडली आहे. जतीन परमार असे या घटनेत मृत्यू झालेल्या तेरा वर्षांच्या मुलाचे नाव असून या घटनेमुळे परिसरात सर्वत्र हळहळ व्यक्त होत आहे. भाईंदर पूर्वेला असलेल्या बी.पी.क्रॉस रोड परिसरात पारिजात चार मजली इमारतीत परमार कुटूंब राहते. या कुटुंबातील १३ वर्षांचा मुलगा जतीन परमार हा इमारतीच्या गच्चीवर खेळण्यासाठी गेला होता.

जतीन परमार हा इमारतीच्या गच्चीवर खेळत होता. त्यानंतर तो काही वेळ इमारतीच्या गच्चीच्या कठड्यावर बसला. नेमक्या त्याच वेळी तोल गेल्याने तो थेट इमारतीच्या गच्चीवरून खाली पडला. चार मजली इमारतीच्या गच्चीवरून खाली पडल्याने जतीन गंभीररित्या जखमी झाला होता. गंभीर रित्या जखमी झालेल्या जतीन याला तातडीने उपचारासाठी नजीकच्याच खासगी रुग्णालयात दाखल करण्यात आले.
‘यशस्वी’ कामगिरी! मैदानावर पाऊल ठेवताच थेट सचिनचा विक्रम मोडला, शुभमन गिलही पडला मागे
रुग्णालयात दाखल केल्यानंतर डॉक्टरांनी त्याची तपासणी केली. मात्र, तिथं उपचारादरम्यान डॉक्टरांनी त्याला मृत घोषित केले. या घटनेमुळं जतीनच्या कुटुंबावर दु:खाचा डोंगर कोसळला आहे. जतीन परमार याच्या पार्थिवावर बुधवारी अंत्यसंस्कार करण्यात आले.
निवडणूक प्रतिज्ञापत्रात खोटी माहिती, अब्दुल सत्तारांवर खटला चालवण्याचे आदेश, मंत्रिपदावरुन उचलबांगडी?
तेरा वर्षाच्या जतीनचा असा मृत्यू झाल्याने परमार कुटुंबीयांवर दुःखाचा डोंगर कोसळला आहे. या घटनेमुळे परिसरात देखील सर्वत्र हळहळ व्यक्त होत आहे. नवघर पोलीस ठाण्यात याप्रकरणी अपघाती मृत्यूची नोंद करण्यात आल्याची माहिती नवघर पोलीस ठाण्याचे वरिष्ठ पोलीस निरीक्षक प्रकाश म्हसाळ यांनी दिली आहे. नवघर पोलिस या घटनेबाबत अधिक तपास करत आहेत. जतीनच्या मृत्यूचा त्याच्या कुटुंबीयांना मोठा धक्का बसला असून त्यांनी या प्रकरणी अधिक बोलण्यास नकार दिलेला आहे.

Tomato: टोमॅटो मिळाला नाही तर कोणी टाचा खुडून मेले का; थोड्या दिवसांनी सरण रचायलाही टोमॅटो देऊ: सदाभाऊ खोत

घाईगडबडीत कर्ज हवं म्हणून अॅपवरून पैसे घेताय? थांबा ! लोन अॅप घोटाळा समजून घ्या