मात्र आंदोलन करत असताना पोलिसांनी त्यांचं आंदोलन मोडून काढण्यासाठी बळाचा वापर केला होता. हे करत असताना मोठा गोंधळ त्याठिकाणी निर्माण झाला होता. तृतीयपंथांची परिस्थिती जाणून घेण्यासाठी कायदेतज्ञ असीम सरोदे आणि सुजात आंबेडकर हे पुण्यातल्या बंडगार्डन पोलीस ठाण्यात दाखल झाले होते. सुजात आंबेडकर आणि असीम सरोदे यांनी पोलिसांची आणि आंदोलनकाची भेट घेतल्यानंतर पत्रकारांशी संवाद साधला.
सुजात आंबेडकर म्हणाले की, नितेश राणे यांच्यावर गुन्हा दाखल करण्यासंदर्भात पोलिसांनी आज संध्याकाळपर्यंतचा वेळ मागून घेतला आहे. याकरिता आम्ही पोलिसांना देखील संध्याकाळपर्यंतचा वेळ दिलेला आहे. यानंतर पोलिसांचा जो काही निर्णय येईल त्याच्यावर विचारविनिमय करून उद्या आम्ही आमच्या पक्षाची भूमिका ठरवू. तृतीयपंथीय बद्दल असं वक्तव्य करणे हे बेकायदेशीर आहे. आर्टिकल १४ चे उल्लंघन आहे. आम्ही त्याचा निषेधच करतो. नितेश राणे आणि त्यांच्या कुटुंबांकडून अनेकदा या कायद्याचे उल्लंघन करण्यात आलेला आहे. म्हणून आम्ही त्यांच्यावर १५३A लागू करावा आणि त्यांच्यावर गुन्हा दाखल करावा, अशी मागणी करतो.
या बाबत कायदेतज्ञ असीम सरोदे म्हणाले, हिजडा शब्द वापरला असल्याकारणाने तो तृतीयपंथांचा अपमान होतो. नितेश राणे यांनी ज्या पद्धतीत शब्द उच्चारलेला आहे. तो चांगल्या उद्देशाने उच्चारलेला नाही आहे. शिवी या शब्दात हिजडा शब्द वापरणे अत्यंत चुकीचा आहे. याबाबत तृतीयपंथांना विशेष संरक्षण देणारा कायदा तयार झाला असताना पण तृतीयपंथींबद्दल अनेक राजकीय नेते बेताल वक्तव्य करत असतात.
याबाबत आता असे वक्तव्य करण्याऱ्यांविरोधात महाराष्ट्रात कायदा करण्याची गरज झाली आहे. याबाबत बंड गार्डन पोलीस स्टेशनच्या बाहेर १५३A चा गुन्हा दाखल करण्याचा प्रयत्न आंदोलनाच्या माध्यमातून करत आहे. पोलिसांनी आम्हाला सांगितलं की, जिल्हा सरकारी वकिलांकडे कायदेशीर सल्ला घेण्यासाठी हे प्रकरण पाठवण्यात आले आहे. कशाप्रकारे गुन्हा नोंद करण्यात आला असल्याचे ते सांगणार आहेत. मात्र आम्ही सुद्धा या प्रकरणाचा अभ्यास करून त्यांना सांगणार आहे की, कशा पद्धतीने हा गुन्हा नोंदवला गेला पाहिजे. याबाबत दखलपात्र गुन्हा नोंदवला गेला पाहिजे अशी आम्ही मागणी करणार आहोत.