बुलडाणा: जेवायसाठी गेलेल्या काही तरुणांमध्ये जुना वाद उफाळून आला. या वादातून एका युवकावर चाकू, कटरने हल्ला केला. यामध्ये गंभीर जखमी झालेल्या युवकाचा उपचारादरम्यान मृत्यू झाला. ही घटना ९ जुलै राेजी रात्री घडली. या प्रकरणी तिन्ही आराेपींना अटक करण्यात आली आहे.
जुन्या भांडणाचा राग मनात ठेवत तीन जणांनी मिळून एका तरुणाची हत्या केल्याची धक्कादायक घटना बुलडाण्यात घडली आहे. या तरुणाला मारहाण करत, त्याच्या पोटात चाकू भोकसून त्याची हत्या करण्यात आली आहे. ही घटना लोणार येथील शेगाव पंढरपूर राष्ट्रीय महामार्गाजवळील बायपास रोडवरील दत्त मंदिराच्या बाजूला असलेल्या हॉटेल तेजस वाईनबार समोर घडली आहे. रितेश सुनील मापारी (वय २०) असं मृत तरुणाचं नाव आहे.
जुन्या भांडणाचा राग मनात ठेवत तीन जणांनी मिळून एका तरुणाची हत्या केल्याची धक्कादायक घटना बुलडाण्यात घडली आहे. या तरुणाला मारहाण करत, त्याच्या पोटात चाकू भोकसून त्याची हत्या करण्यात आली आहे. ही घटना लोणार येथील शेगाव पंढरपूर राष्ट्रीय महामार्गाजवळील बायपास रोडवरील दत्त मंदिराच्या बाजूला असलेल्या हॉटेल तेजस वाईनबार समोर घडली आहे. रितेश सुनील मापारी (वय २०) असं मृत तरुणाचं नाव आहे.
आईचा एक गुरुमंत्र अन् मुलगा क्षणात कोट्यधीश झाला, कहाणी वाचून थक्क व्हाल…
मृतक रितेश सुनील मापारी हा लोणार येथील तेजस वाईन बार व रेस्टॉरंट येथे जेवायला गेला होता. आरोपी शुभम नारायण मापारी (वय २२ वर्ष रा.लोणार), उदय विनोद सातपुते (वय १९ वर्ष रा.मातरखेड हल्ली मुक्काम खटकेश्वर नगर लोणार) आणि शुभम उर्फ विशाल भारस्कर (वय २२ रा. गारटेकी तालुका मंठा जिल्हा जालना) यांनी मृतकासोबत जुन्या भांडणाचा वाद उकरून शिवीगाळ करण्यास सुरुवात केली. यावेळी मृतक रितेश सुनील मापारी याने विनाकारण शिवीगाळ करू नको, असे सांगितले असता आरोपींनी मृतकाला लाथा बुक्क्यांनी मारहाण करण्यास सुरुवात केली आणि त्याचे दोन्ही हात पकडून ठेवले. दरम्यान, यावेळी आरोपी शुभम उर्फ विशाल भारस्कर यांनी त्याच्या हातातील चाकूने मृतक रितेश मापारी यांच्या पोटात वार केला.
अखेर एलियन्सच्या घराचा पत्ता सापडला, ‘या’ ग्रहावर आहे वास्तव्य, शास्त्रज्ञांच्या हाती मोठी माहिती
यावेळी जखमी रितेशला नागरिकांनी खाजगी दवाखान्यामध्ये उपचारासाठी दाखल केले असता डॉक्टरांनी त्यांना तात्काळ मेहकर येथे हलवण्याचा सल्ला दिला. त्यानंतर त्याला मेहेकर येथे उपचारासाठी दाखल करण्यात आले. मात्र, प्रकृती चिंताजनक असल्याकारणाने पुढील उपचारासाठी अकोला येथील रुग्णालयात नेण्यात आले. तेथील डॉक्टरांनी रितेशला तपासले असता त्यांनी त्याला मृत घोषित केले.
या घटनेची माहिती पोलीस निरीक्षक लेखनिक गजानन सानप यांना मिळतात त्यांनी या गंभीर घटनेची माहिती लोणार पोलीस स्टेशनचे नवनियुक्त पोलीस निरीक्षक निमिष मेहेत्रे यांना दिली. घटनेचे गांभीर्य ओळखून पोलीस प्रशासनाला अलर्ट मोड वर राहण्याचे आदेश दिले. मृतकाच्या वडिलांनी दिलेल्या फिर्यादीवरून लोणार पोलीस स्टेशनला आरोपी विरुद्ध कलम ३०२, ५०४/३४ नुसार गुन्हा दाखल केला आहे.
या घटनेचे गांभीर्य बघता मेहकर उपविभागीय पोलिस अधिकारी प्रदीप पाटील यांच्या मार्गदर्शनाखाली लोणार पोलीस स्टेशनचे नवनियुक्त पोलीस निरीक्षक निमिष मेहेत्रे यांनी आपल्या पोलीस कर्मचाऱ्यांचे एक विशेष पथक तयार करत आरोपीच्या मागावर पाठवले. या पथकाने आरोपीचा सिनेस्टाईल पाठलाग करत त्यांच्या मुसक्या आवळल्या, तिन्ही आरोपींना अटक केली. या घटनेचा पुढील तपास लोणार पोलिस स्टेशनचे पोलिस निरीक्षक निमेश मेहेत्रे यांच्या मार्गदर्शनाखाली लोणार पोलिस करत आहे. नेहमी सोबत राहणारे मित्र आणि जुना वादावरून घडलेल्या घटनेमुळे संपूर्ण परिसरात हळहळ व्यक्त केली जात आहे.