पवार गटातील मंत्र्यांनी खात्याबाबत चर्चा सुरू केल्याच्या प्रश्नावर बोलताना बावनकुळे म्हणाले, एकनाथ शिंदे, देवेंद्र फडणवीस आणि अजित पवार यांच्यावर आमदारांचा विश्वास आहे. महाराष्ट्राला नंबर वन बनवण्याला आमचे प्राधान्य आहे. विरोधी पक्षांच्या नेत्यांच्या आरोपांना उत्तर देताना ते म्हणाले की, ही महाविकास आघाडी नसून महाआघाडी आहे. विविध विचारसरणीचे लोक राजकारणात एकत्र आले तर विकास सोपा होतो. शेवटी देशहिताचे काही निर्णय घ्यावेच लागतात.सरकारमधील एकनाथ शिंदे, देवेंद्र फडणवीस आणि अजित पवार हे तिन्ही प्रमुख नेते कुशल नेते आहेत. कोणती खाती कोणाला मिळतात यापेक्षा मजबूत सरकार हे महत्त्वाचे आहे .कारण घरी बसून सरकार चालणार नाही. पालकमंत्रीपद कोणाला द्यायचे याचा पूर्ण अधिकार मुख्यमंत्र्यांना आहे.