छत्रपती संभाजी नगर: घरातील पाण्यासाठी एका तेरा वर्षी मुलाने टाकीतून पाईपच्या माध्यमातून तोंडाने पाणी ओढले. मात्र, या पाईपमध्ये असलेले मुंगळे (Ants) त्याच्या तोंडात गेले. मुलाने तोंडाने पाणी ओढल्यानंतर जवळपास २५ मुंगळे थेट त्याच्या घशात गेले. त्यामुळे मुलाला त्रास सुरु झाला. अखेर त्याला नजीकच्या रुग्णालयात (Hospital) नेण्यात आले आणि डॉक्टरांनी तातडीने हालचाली करुन या मुलाच्या घशातील सर्व मुंगळे बाहेर काढले. ही घटना संभाजीनगरमधील कारकीन येथे घडली.
प्राथमिक माहितीनुसार, कारकीन परिसरामध्ये राहणारा १३ वर्षीय मुलगा घरात पाण्यासाठी टाकीतून पाईपच्या (Water Pipe) माध्यमातून पाणी तोंडाने ओढत होता. यावेळी पाईपमध्ये मुंगळे होते. मुलाने तोंडाने पाणी ओढल्यामुळे ते हवेच्या दाबामुळे मुलाच्या तोंडात गेले. यावेळी मुलाने आरडाओरड केला असता घरातील नागरिकांनी मुलाच्या तोंडातील काही मुंगळे काढले. मात्र, बरेच मुंगळे घशात गेल्याने कुटुंबीयांनी मुलाला कांचनवाडी येथील सोहरणी मल्टी स्पेशलिस्ट हॉस्पिटलमध्ये दाखल केले. डॉक्टरांनी तात्काळ मुलाच्या घशाची पाहणी केली. यावेळी डॉक्टर शेखर खोबरे यांनी मुलावर उपचार सुरू केले .यावेळी दुर्बिणीच्या साह्याने स्वरयंत्रात गेलेले मुंगळे बाहेर काढण्यात यश आले. यामुळे घाबरलेल्या कुटुंबीयांनी सुटकेचा निश्वास टाकला.
पाणी साठवण्यासाठी घरासमोर हौद बांधला, त्याच हौदात अनर्थ घडला; हसता खेळता चिमुकला गेल्यानं संपूर्ण कुटुंब सुन्नयाबाबत डॉक्टर शेखर खोबरे म्हणाले की, मुलाने तोंडाने पाणी ओढले त्यावेळी त्याच्या तोंडामध्ये मुंगळे गेले होते. दरम्यान नातेवाईकांनी तात्काळ त्याला रुग्णालयात दाखल केल्यामुळे लवकरात लवकर त्याच्यावर उपचार करणे शक्य झाले. दुर्बिणीच्या माध्यमातून घशातील मुंगळे काढल्यानंतर मुलाला डिस्चार्ज देण्यात आला. भविष्यात अशा घटना घडू नयेत म्हणून पालकांनी मुलांकडे लक्ष द्यावे असे आव्हान यावेळी डॉक्टर खोबरे यांनी केले.