मुंबई : पावसाळ्यात झाड कोसळून मृत्यू होण्याची घटना समोर आली आहे. बुधवारी पहाटेच्या सुमारास मुंबईतील मालाड पश्चिम येथील मामलेदार वाडी परिसरात झाड कोसळले. झाडाखाली चिरडल्यामुळे ३८ वर्षीय व्यक्तीचा दुर्दैवी मृत्यू झाला आहे. कौशल महेंद्र दोषी असं मृत्यू झालेल्या तरुणाचे नाव आहे.
मुंबई शहर उपनगर परिसरात बुधवार सकाळपासून पावसाची रिमझिम सुरु आहे. मुंबईतील काही भागात पावसाचा जोर पाहायला मिळत आहे. काही ठिकाणी रस्ते वाहतूक विस्कळीत झाली आहे. मुंबईत कालपासून २६ ठिकाणी झाडे कोसळण्याच्या आणि १५ ठिकाणी शॉर्टसर्किटच्या घटना घडल्या आहेत
मुंबई शहर उपनगर परिसरात बुधवार सकाळपासून पावसाची रिमझिम सुरु आहे. मुंबईतील काही भागात पावसाचा जोर पाहायला मिळत आहे. काही ठिकाणी रस्ते वाहतूक विस्कळीत झाली आहे. मुंबईत कालपासून २६ ठिकाणी झाडे कोसळण्याच्या आणि १५ ठिकाणी शॉर्टसर्किटच्या घटना घडल्या आहेत
मिळालेल्या माहितीनुसार, मालाड पश्चिमेकडील मामलेदार वाडी परिसरात मणिभाई मुंजी चाळ येथे सुमारे ३५ फूट उंच आणि चार फूट रुंदीचे एक पिंपळाचे झाड कोसळले. बुधवारी पहाटे कौशल दोषी चाळीतील शौचालयात गेला होता. यावेळी हे झाड कोसळले. झाडाचा वजनदार भाग डोक्यावर पडल्यामुळे कौशल यांचा जागीच मृत्यू झाला.
गेल्या काही दिवसात मुंबईत पावसामुळे दोन-तीन मोठ्या दुर्घटना झाल्याचं पाहायला मिळत आहे. विलेपार्ले मध्ये गॅलरी कोसळून दोघांचा मृत्यू झाला. तर घाटकोपर मध्ये इमारतीचा भाग कोसळून दोघांना प्राण गमवावे लागले होते. त्यातच आता झाड पडून तरुणाचा मृत्यू झाल्याची घटना समोर आली आहे.
दुसरीकडे, भारतीय हवामान विभागाने मंगळवारसाठी मुंबईसह ठाणे आणि पालघर जिल्ह्यांना ऑरेंज अलर्ट दिला होता. मात्र दिवसभरात फारसा पाऊस न झाल्याने तसेच सकाळच्या वेळेत ऊन पडल्याने सोशल मीडियावर भारतीय हवामान विभागाच्या इशाऱ्याची टर उडवण्यात आली. मात्र, छत्तीसगड आणि त्या शेजारील क्षेत्रावर असलेले कमी दाबाचे क्षेत्र पश्चिम आणि वायव्य दिशेने प्रवास करत असल्याने दुर्घटना घडू नये आणि लोकांनी सतर्क राहावे, या उद्देशाने हा इशारा दिल्याचे हवामान विभागाने स्पष्ट केले.
ट्रॅक्टर कालव्यात उलटून मैत्रिणींचा अंत, चौघींवर एकत्रच अंत्यसंस्कार, गावाला घास गोड लागेना
मुंबईमध्ये मंगळवारी दिवसभर पावसाची उपस्थिती होती. मात्र, सकाळी ८.३० ते सायंकाळी ५.३०पर्यंत मुसळधार पाऊस नोंदला गेला नाही. कुलाबा येथे ११ मिलीमीटर तर सांताक्रूझ येथे ३१.८ मिलीमीटर पाऊस नोंदला गेला. दुपारी २.३० ते सायंकाळी ५.३० या वेळेत २३.४ मिलीमीटर पाऊस नोंदला गेला. डहाणू केंद्रावर २१.२ मिलीमीटर पावसाची नोंद झाली. महापालिकेने दिलेल्या माहितीनुसार सकाळी ८ ते सायं. ६ या कालावधीत शहरामध्ये ३.०६ मिलीमीटर तर पूर्व उपनगरांमध्ये २३.६० आणि पश्चिम उपनगरांमध्ये २२.११ मिलीमीटर पावसाची नोंद झाली.
महामुंबई परिसराला देण्यात आलेल्या इशाऱ्याच्या पार्श्वभूमीवर सकाळी ८ पासून १२ तासांमध्ये स्वयंचलित यंत्रणेवरील नोंदीनुसार नवी मुंबई परिसरामध्ये तुरळक ठिकाणी ४० ते ७० मिलीमीटर दरम्यान पावसाची नोंद झाली. कल्याण-डोंबिवली परिसरात तुरळक ठिकाणी तसेच पश्चिम आणि पूर्व उपनगरांमध्ये तुरळक ठिकाणी २० ते ४० मिलीमीटर दरम्यान पावसाची नोंद झाली. विरार, वसई परिसरातही २० ते ४० मिलीमीटर दरम्यान पाऊस १२ तासांमध्ये नोंदला गेला. मात्र शहरामध्ये पावसाने जेमतेमच उपस्थिती लावली.
छोट्या नातवाचा काय गुन्हा? संतोष शिंदेंच्या मातोश्रींचा हंबरडा, हसन मुश्रीफांना अश्रू अनावर