म. टा. विशेष प्रतिनिधी, मुंबई : आगमनाच्या दिवशी मुंबईत पावसाने दमदार हजेरी लावल्यानंतर आज मंगळवारीही मुंबईत मुसळधार ते अतिमुसळधार पावसाची शक्यता वर्तवण्यात आली आहे. त्यामुळे पहिल्याच पावसात दाणादाण उडाल्यानंतर मंगळवारच्या पावसाबद्दल मुंबईकरांमध्ये चिंतेचे वातावरण आहे. अल्प कालावधीत तूट भरून काढण्याचा विक्रम यंदाही कायम राहतो का? असा प्रश्न उपस्थित झाला आहे. मुंबईसह पालघर, ठाणे जिल्ह्यांनाही मंगळवारी ऑरेंज अॅलर्ट देण्यात आला आहे.
मुंबईत रविवारी सकाळी ८.३० ते सोमवारी सकाळी ८.३० या कालावधीत कुलाबा येथे ६३.६ मिमी, तर सांताक्रूझ येथे २४.६ मिमी पाऊस पडला. दिवसभर उपनगरांमध्ये मध्यम सरींची उपस्थिती होती. सांताक्रूझ येथे सायं. ५.३० पर्यंत २७ मिमी पाऊस पडला, तर कुलाबा येथे शून्य मिमी पावसाची नोंद झाली. सोमवारी दिवसभरात प्रामुख्याने कल्याण, डोंबिवली, ठाणे, नवी मुंबई या पट्ट्यामध्ये पाऊस होता. गोरेगाव, अंधेरी या भागांमध्येही पाऊस पडला. सकाळी ७ पासून सायं. ७ पर्यंतच्या १२ तासांमध्ये या भागांमध्ये २० ते ४० मिमीदरम्यान पाऊस नोंदला गेला. मंगळवारी मात्र कोकण पट्ट्यामध्ये रत्नागिरी, रायगड ते पालघरपर्यंत पावसाचा जोर वाढून काही ठिकाणी मुसळधार ते अती मुसळधार पाऊस पडण्याची शक्यता आहे. बुधवारी पालघर आणि रायगड जिल्ह्याला ऑरेंज अॅलर्टचा इशारा कायम आहे. तर उर्वरित कोकणात तुरळक ठिकाणी मुसळधार पाऊस पडू शकेल. सिंधुदुर्गात हा जोर केवळ मध्यम सरींपुरताच मर्यादित राहील अशीही शक्यता आहे.
मुंबईत रविवारी सकाळी ८.३० ते सोमवारी सकाळी ८.३० या कालावधीत कुलाबा येथे ६३.६ मिमी, तर सांताक्रूझ येथे २४.६ मिमी पाऊस पडला. दिवसभर उपनगरांमध्ये मध्यम सरींची उपस्थिती होती. सांताक्रूझ येथे सायं. ५.३० पर्यंत २७ मिमी पाऊस पडला, तर कुलाबा येथे शून्य मिमी पावसाची नोंद झाली. सोमवारी दिवसभरात प्रामुख्याने कल्याण, डोंबिवली, ठाणे, नवी मुंबई या पट्ट्यामध्ये पाऊस होता. गोरेगाव, अंधेरी या भागांमध्येही पाऊस पडला. सकाळी ७ पासून सायं. ७ पर्यंतच्या १२ तासांमध्ये या भागांमध्ये २० ते ४० मिमीदरम्यान पाऊस नोंदला गेला. मंगळवारी मात्र कोकण पट्ट्यामध्ये रत्नागिरी, रायगड ते पालघरपर्यंत पावसाचा जोर वाढून काही ठिकाणी मुसळधार ते अती मुसळधार पाऊस पडण्याची शक्यता आहे. बुधवारी पालघर आणि रायगड जिल्ह्याला ऑरेंज अॅलर्टचा इशारा कायम आहे. तर उर्वरित कोकणात तुरळक ठिकाणी मुसळधार पाऊस पडू शकेल. सिंधुदुर्गात हा जोर केवळ मध्यम सरींपुरताच मर्यादित राहील अशीही शक्यता आहे.
पुढील पाच दिवसांमध्ये उत्तर आणि दक्षिण कोकणामध्ये सर्वदूर पावसाचा अंदाजही आहे. या काळात बहुतांश ठिकाणी पाऊस पडेल. उत्तर मध्य महाराष्ट्रातही पुढील दोन दिवस बहुतांश ठिकाणी तर त्यानंतर दोन दिवस अनेक ठिकाणी पावसाची शक्यता आहे. दक्षिण मध्य महाराष्ट्रात मंगळवार आणि बुधवार हे दोन दिवस अनेक ठिकाणी पाऊस पडल्यानंतर पुढच्या दोन दिवसांमध्ये पावसाचा जोर कमी होईल अशी शक्यता आहे. मराठवाड्यातही मंगळवारी बहुतांश ठिकाणी पाऊस पडून नंतर जोर कमी होईल. पूर्व आणि पश्चिम विदर्भात मंगळवारी आणि बुधवारी बहुतांश ठिकाणी पावसाचा अंदाज आहे.
पावसाची तूट ७० टक्के
राज्यात मान्सून सक्रिय झाल्यापासून सोमवार सकाळपर्यंत ७० टक्के पावसाची तूट नोंदली गेली आहे. आत्तापर्यंत १७०.८ मिमी सरासरी पाऊस राज्यात नोंदला जातो, हा पाऊस आत्तापर्यंत केवळ ५१.१ मिमी एवढाच नोंदला गेला आहे. ऑरेंज अॅलर्ट दिलेल्या जिल्ह्यांपैकी मुंबई शहरात ६६ टक्के, उपनगरात ४२ टक्के, ठाणे जिल्ह्यात ६३ टक्के, पालघर येथे ४६ टक्के, रायगड येथे ५६ टक्के आणि रत्नागिरी येथे ७० टक्के पावसाची तूट आहे.
मंगळवारी नाशिक, पुणे, सातारा येथील घाट परिसरासाठीही तुरळक ठिकाणी मुसळधार ते अतिमुसळधार पावसाची शक्यता आहे. विदर्भात अमरावती, नागपूर येथे तुरळक ठिकाणी मुसळधार ते अती मुसळधार पाऊस पडू शकेल. तर भंडारा आणि गोंदिया येथे तुरळक ठिकाणी अती तीव्र मुसळधार पाऊसही पडू शकेल. या काळात विदर्भामध्ये मेघगर्जनेचीही शक्यता आहे.
Sambhaji Bhide: १५ ऑगस्ट खरा स्वातंत्र्यदिन नाही, संभाजी भिडेंच्या ‘त्या’ वक्तव्यावर देवेंद्र फडणवीस म्हणाले..