अकोला : विधान परिषदेच्या आमदार आणि ठाकरे गटाच्या प्रवक्त्या मनिषा कायंदे हे शिंदे गटात गेल्या. यानंतर विधान परिषदेच्या विरोधी पक्षनेता पदावर राष्ट्रवादी दावा करणार असल्याच्या सुरू असताना, या चर्चेदरम्यानच आता सोशल मिडियावर काँग्रेस पदाधिकाऱ्याचं एक पत्र चांगलंचं व्हायरल होतंय. विधान परिषदेच्या विरोधी पक्षनेते पदी सतेज पाटील यांची नियुक्ती करा, अकोला काँग्रेस कमिटीचे जिल्हा सचिव रवींद्र तायडे पाटील यांनी ही मागणी केली आहे. दरम्यान अखिल भारतीय काँग्रेस कमिटीचे संघटन महासचिव के.सी. वेणुगोपाल यांच्याकडे पत्राद्वारे मागणी करण्यात आली.

विधान परिषदेतील ठाकरे गटाच्या आमदार मनीषा कायंदे यांनी मुख्यमंत्री एकनाथ शिंदे यांच्या शिवसेनेत प्रवेश केल्यामुळे विधान परिषदेचे विरोधी पक्षनेते अंबादास दानवे यांचे पद धोक्यात आल्याची चर्चा राजकीय वर्तुळात सुरूये. कायंदे यांच्या पक्षांतरामुळे विधान परिषदेतील ठाकरे गटातील आमदारांची संख्या नऊवर झाली आहे. मात्र, महाविकास आघाडीतील एकजूट अभेद्य राखण्यासाठी विरोधी पक्षनेतेपदावर दावा करण्याची शक्यता नसल्याचे राष्ट्रवादी काँग्रेसमधील सूत्रांचे म्हणणे होतंय. परंतु आता काँग्रेसकडून विरोधी पक्षनेता पदावर सतेज पाटिल यांची नियुक्ती करा, अशा मागणीचे पत्र सोशल मीडियावर चांगलाच वायरल होत आहे.

Sharad Pawar : ठाकरे गटाकडील विरोधी पक्षनेतेपद धोक्यात, पण मविआच्या एकजुटीसाठी राष्ट्रवादीचा दिलदारपणा?
नेमकं काय आहे व्हायरलं पत्रात?

आज महाराष्ट्रात काँग्रेस पक्षाकडे कोणतेही संवैधानिक पद नाहीये. मित्र पक्ष असलेल्या शिवसेना उद्धव ठाकरे गटा कडे दोन संवैधानिक पदे आहेत, तर राष्ट्रवादी पक्षाकड़ं विधानसभेतील विरोधी पक्षनेतेसह उपाध्यक्ष असे दोन संवैधानिक पदे आहेत. येणाऱ्या वर्षात लोकसभेच्या सार्वत्रिक निवडणुका असून नंतर महाराष्ट्र विधानसभा निवडणुका होवू घालतील. या पार्श्वभूमीवर काँग्रेस पक्ष विरोधी पक्षनेते पद घेवून सामान्य जनतेचा, युवकांच्या, बेरोजगारांच्या आवाज बुलंद करण्याचा अतोनात प्रयत्न करून न्याय देण्याची भूमिका असणार. या विषयांवर गांभीर्यानं विचार करून काँग्रेस नेते सतेज पाटील यांना विरोधी पक्षनेते बहाल करून राज्यातील पक्ष कार्यकर्त्यांना आत्मीय बळ वाढवणारे नेतृत्व द्या. अखिल भारतीय काँग्रेस कमिटीचे संघटन महासचिव के.सी. वेणुगोपाल यांच्याकडं पत्राद्वारे मागणी केलीय. ही मागणी अकोला महानगर काँग्रेस कमिटी जिल्हा सचिव रवींद्र बाळासाहेब तायडे पाटील यांनी केली.
माझ्यासारख्या सिनियर नेत्याला ज्युनिअर व्यक्ती हुकूम द्यायची, मनिषा कायंदेंनी अखेर मनातील खदखद बोलून दाखवलीच
का बदलली परिस्थिती?

मुख्यमंत्र्यांच्या शिवसेनेत विदर्भातील विप्लव गोपीकिशन बजोरिया हे विधान परिषदेतील एकमेव आमदार होते. आता मनीषा कायंदे यांनी शिवसेनेत प्रवेश केल्यामुळे परिषदेतील ठाकरे गटाचे संख्याबळ ११ वरून नऊपर्यंत खाली आले. माजी मुख्यमंत्री उद्धव ठाकरे हे सुद्धा विधान परिषदेचे सदस्य आहेत. शिवाय, माजी परिवहनमंत्री अनिल परब हे ठाकरे गटाचे प्रतोद आहेत. मराठवाड्यातील अंबादास दानवे विरोधी पक्षनेते आहेत. सध्या देशभरातील वातावरण पाहता ठाकरे गटाचे हे पद काढून घेण्याचा दोन्ही काँग्रेसचे वरिष्ठ नेते विचार करणार नाहीत, असे मानले जात आहे, परंतु आता काँग्रेस पदाधिकाऱ्याचे विरोधी पक्षनेता पदावर दावा करणारे पत्र व्हायरल होत असल्याने, चर्चेला वेगळच वळण आलं.

विधान परिषदेतील पक्षीय बलाबल-
एकूण – ७८
भाजप – २२
रिक्त जागा – २१
राष्ट्रवादी काँग्रेस – ९
ठाकरे गट – ९
शिवसेना – २
काँग्रेस – ८
अपक्ष – ४
(संयुक्त जनता दल, शेतकरी कामगार पक्ष, राष्ट्रीय समाज पक्ष प्रत्येकी १)