मुंबई : ठाकरे गटाची साथ सोडत विधानपरिषद आमदार अॅड. मनिषा कायंदे यांनी एकनाथ शिंदे यांच्या नेतृत्वातील शिवसेनेत प्रवेश केला. शिवसेनेच्या वर्धापन दिनाच्या पूर्वसंध्येला ठाकरे गटासाठी हा मोठा धक्का मानला जात आहे. मात्र कायंदेंच्या पक्षांतराने शिवसैनिक चांगलेच संतप्त झाले आहेत. कारण ठाकरेंच्या बॅनरवरुन मनिषा कायंदे यांचा फोटोच चक्क कापून काढण्यात आला.
शिवसेनेचा आज ५७ वा वर्धापन दिन सोहळा आहे. यानिमित्त मुंबईतील षण्मुखानंद सभागृहात ठाकरे गटाने सोहळ्याचं आयोजन केलं आहे. षण्मुखानंद हॉल बाहेर ठाकरे गटाची बॅनरबाजी पाहायला मिळत आहे. बाळासाहेब ठाकरे, उद्धव ठाकरे, आदित्य ठाकरे, दिवाकर रावते अशा दिग्गजांचे फोटो या बॅनरवर आहेत.कोण आहेत मनिषा कायंदे?
शिवसेनेचा आज ५७ वा वर्धापन दिन सोहळा आहे. यानिमित्त मुंबईतील षण्मुखानंद सभागृहात ठाकरे गटाने सोहळ्याचं आयोजन केलं आहे. षण्मुखानंद हॉल बाहेर ठाकरे गटाची बॅनरबाजी पाहायला मिळत आहे. बाळासाहेब ठाकरे, उद्धव ठाकरे, आदित्य ठाकरे, दिवाकर रावते अशा दिग्गजांचे फोटो या बॅनरवर आहेत.
स्थानिक शाखाप्रमुख संदीप चिवटे यांनी फ्लेक्स लावले आहेत. मात्र या बॅनरवरुन चक्क मनिषा कायंदे यांचा फोटोच काही स्थानिक पदाधिकाऱ्यांनी कापून काढला आहे.
शिंदेंची शिवसेना भाजपची डोकेदुखी वाढवणार? २०१९ मध्ये जिंकलेल्या मतदारसंघावर ठोकला दावा
दरम्यान, कायंदेंच्या प्रवेशापूर्वीच उद्धव ठाकरे यांच्याकडून मोठी कारवाई करण्यात आली होती. मनिषा कायंदे यांची प्रवक्ते पदावरुन हकालपट्टी करण्यात आली होती. खासदार विनायक राऊत यांनी या कारवाईची माहिती दिली होती. कायंदे यांनी पक्षविरोधी कारवाई केल्याचा ठपका ठेवण्यात आला होता.
कोण आहेत मनिषा कायंदे?
मनिषा कायंदे शिवसेनेत येण्यापूर्वी भाजपमध्ये कार्यरत होत्या. १९९७ ला त्यांनी नगरसेवकपदाची निवडणूक लढवली, पण शेवटच्या क्षणी उमेदवारी मिळाल्याने त्यांचा निसटता पराभव झाला होता. २००९ ला भाजपकडून त्यांनी सायन कोळीवाड्यातून निवडणूक लढवली. त्यामध्ये त्यांचा पराभव झाला.
मतदार यादीत नाव नसताना मी संजय राऊतांना खासदार केलं, नारायण राणेंनी घटनाक्रमच सांगितला
भाजपमध्ये २५ वर्ष काम केल्यानंतर त्यांनी २०१२ मध्ये उद्धव ठाकरेंच्या नेतृत्वाखाली शिवसेनेत प्रवेश केला. २०१४ मध्ये त्यांना शिवसेनेकडून प्रवक्तेपदाची जबाबदारी देण्यात आली होती. २०१८ ला त्यांना उद्धव ठाकरेंनी विधानपरिषदेचे तिकीट दिले.
मनिषा कायंदे यांच्यासाठी विधानपरिषदेवर नेमणूक होणं हा राजकीय प्रवासातील मोठा टर्निंग पॉइंट होता. तेव्हापासून आक्रमकपणे शिवसेनेची बाजू मांडणाऱ्या नेत्या म्हणून त्यांची ओळख झाली होती. ११ वर्ष मुंबई महानगरपालिकेच्या शिक्षण समिती सदस्य म्हणून त्यांनी काम पाहिलं.
आता त्यांनी एकनाथ शिंदे यांच्या नेतृत्त्वातील शिवसेनेत प्रवेश केल्यामुळे शिंदे गटाचं विधानपरिषदेतील संख्याबळ दोनवर पोहोचलं आहे