साखरकर त्यांना मूठभर बियाणे देऊन त्यांच्याकडून अंजुळभर बियाणे परत घेतात. खरीप हंगामात लागवडीसाठी परिसरातील शेतकरी या बँक मध्ये येऊन मार्गदर्शन घेतात. साखरकर यांनी पंचसूत्री कार्यक्रम हाती घेतला आहे. त्यानुसार दरवर्षी २ ऑक्टोबरला देशी संकरित बियाणे शिबीर घेतात. यामध्ये देशी बियाण्याची माहिती देण्यात येते, तर शेतकऱ्यांना रासायनिक औषधांचा आणि खतांचा वापर न करता विषमुक्त शेती करण्याचा आग्रह धरतात.

गावोगावी देशी बियाण्याचा प्रचार आणि प्रसार करतात. रासायनिक शेती करतांना शेतीची सुपीकता व निरनिराळ्या आजारांना सामोरे जाण्यापेक्षा विषमुक्त शेती करून देखील चांगले उत्पन्न होऊ शकते, हे रमेश साखरकर यांनी दाखवून दिले आहे. त्यांचा आदर्श घेऊन शेती केल्यास नक्की शेती ही फायदेशीर राहील यात दुमत नाही.