नागपूर : शहरात लहान मुलांच्या अपहरणाच्या घटनांमध्ये सातत्याने वाढ होत आहे. इतवारी रेल्वे स्थानकातून तीन वर्षांच्या मुलीचे अपहरण झाल्याची गंभीर घटना आज शनिवारी सकाळी उघडकीस आली. मोबाईल पाहण्याच्या बहाण्याने आरोपी मुलीला घेऊन निघून गेला. आरोपीचे हे संपूर्ण कृत्य तेथे लावलेल्या सीसीटीव्हीमध्ये कैद झालं आहे. ज्याच्या मदतीने पोलीस आणि लोहमार्ग पोलिसांनी आरोपी आणि मुलीला नागपूर रेल्वे स्थानकाच्या फलाट क्रमांक १ वरून दीड तासात अटक केली. सामकुमार धुर्वे (३०) असं अटक केलेल्या आरोपीचं नाव असून तो मुलता भिलाई छत्तीसगड येथील रहिवासी आहे.
मिळालेल्या माहितीनुसार, राजू छत्रपाल आपली तीन वर्षांची मुलगी पूर्वी छत्रपाल हिच्यासोबत हावडा येथे जाण्यासाठी आरक्षण करण्यासाठी सकाळी ९.४५ वाजता इतवारी रेल्वे स्टेशनवर पोहोचले होते. राजूने मुलीला काउंटरजवळ बसवले आणि तिकीट काढण्यासाठी रेल्वे तिकीट काउंटरवर रांग लावू लागला. त्याचवेळी आरोपी सामकुमार धुर्वे तेथे पोहोचला आणि मुलीला मोबाईल दाखवून खेळवायला लागला. तिकीट बुक करून राजू परतला तेव्हा आरोपी मुलीसोबत खेळताना दिसला. हे पाहून तो परतीचे तिकीट काढण्यासाठी पुन्हा काउंटरवर गेला.
मिळालेल्या माहितीनुसार, राजू छत्रपाल आपली तीन वर्षांची मुलगी पूर्वी छत्रपाल हिच्यासोबत हावडा येथे जाण्यासाठी आरक्षण करण्यासाठी सकाळी ९.४५ वाजता इतवारी रेल्वे स्टेशनवर पोहोचले होते. राजूने मुलीला काउंटरजवळ बसवले आणि तिकीट काढण्यासाठी रेल्वे तिकीट काउंटरवर रांग लावू लागला. त्याचवेळी आरोपी सामकुमार धुर्वे तेथे पोहोचला आणि मुलीला मोबाईल दाखवून खेळवायला लागला. तिकीट बुक करून राजू परतला तेव्हा आरोपी मुलीसोबत खेळताना दिसला. हे पाहून तो परतीचे तिकीट काढण्यासाठी पुन्हा काउंटरवर गेला.
लांबलेल्या पावसाने सर्वसामान्यांचे बजेट बिघडणार, या गोष्टींसाठी मोजावे लागतील अधिक पैसे
याचा फायदा घेत आरोपी सामकुमार धुर्वे याने मुलीला गुपचूप उचलून तेथून निघून गेला. फिर्यादी राजू छत्रपाल काही वेळाने परत आला असता त्याला पुर्वी बेपत्ता असल्याचे दिसले. आरोपीही तेथे नव्हता. बराच वेळ शोध घेऊनही मुलगी आणि आरोपी दिसत नसताना राजूने रेल्वे पोलिसांच्या अधिकाऱ्यांना माहिती दिली.
मुलीच्या अपहरणाची बातमी स्टेशनवरून मिळताच आरपीएफ अधिकाऱ्यांमध्ये खळबळ उडाली. प्रकरणाचे गांभीर्य पाहून रेल्वे पोलिसांनी परिसरात बसवलेला सीसीटीव्ही कॅमेरा तपासला. जिथे आरोपी मुलीला घेऊन जाताना दिसला. तात्काळ रेल्वे पोलिसांनी या अज्ञात व्यक्तीची माहिती वॉकीटॉकीद्वारे प्रसारित केली आणि सीसीटीव्ही फुटेजच्या आधारे आरोपी आणि मुलीचा शोध घेण्याचे काम सुरू केले.
अवघ्या दीड तासाच्या कालावधीत या मुलीला रेल्वे पोलिसांनी शहर पोलिसांच्या मदतीने नागपूर रेल्वे स्थानकाच्या प्लॅटफॉर्म क्रमांक एकवर पकडले आणि त्याच्या ताब्यातून या निष्पाप मुलीची सुखरूप सुटका केली. अटक करण्यात आलेला आरोपी समकुमार हा नागपूरहून बिलासपूरला जात होता. मात्र, त्याने या मुलीचे अपहरण का केले आणि तिला कुठे नेणार होता? याचा तपास पोलीस करत आहेत.
Prakash Ambedkar: प्रकाश आंबेडकरांची खुलताबादमध्ये औरंगजेबाच्या कबरीला भेट, चर्चांना उधाण