तर शिवसेनेच्याच चिन्हावर लढणार…:

२०१९ च्या कोल्हापूर लोकसभा निवडणुकीत भाजप शिवसेनेचे उमेदवार संजय मंडलिक हे काँग्रेसचे आमदार सतेज पाटील यांच्या ‘आमचं ठरलंय’ या टॅगलाईनने आणि पाठिंब्याने भरघोस मताने निवडून आले. कालांतराने राज्यात महाविकास आघाडीचे सरकार देखील स्थापन झाले आणि नंतर शिवसेनेमध्ये बंड झाले. पुन्हा भाजप आणि शिवसेना शिंदे गटाची सत्ता राज्यात आली. यावेळी ठाकरेंची साथ सोडत कोल्हापुरातील दोन्ही खासदार शिंदेंसोबत गेले. मात्र आता २०२४ ची लोकसभा निवडणूक जवळ आल्याने प्रत्येक पक्षाने उमेदवार चाचपणी सुरू केली आहे. तसेच अनेक चर्चांना देखील उधाण आले असून कोल्हापूर लोकसभा मतदारसंघासाठी विद्यमान खासदार संजय मंडलिक हे भाजपमधून लढतील, अशा चर्चा सुरू होत्या. मात्र यावर आता त्यांनी स्पष्टीकरण दिलं असून ही निवडणूक मी भाजपच्या नाही तर शिवसेनेच्याच चिन्हावर लढणार असल्याचे त्यांनी म्हटले आहे. यामुळे त्यांच्याबाबत सुरू असलेल्या चर्चांना पूर्णविराम देण्याचा प्रयत्न त्यांनी केला आहे.

डॉक्टर काय सुरु आहे? तयारी सुरु ठेवा; मोहक हास्य सूचक सल्ला, पवारांच्या हाती काँग्रेस नेत्याचा हात

विद्यमान सर्व खासदारांना पुन्हा उभे करायचे, असे अमित शहा यांच्यासोबत ठरले होते:

भाजप आणि शिवसेना शिंदे गट राज्यात जोमाने काम करत आहे. लोकसभा निवडणुकीसाठी अद्याप बराच वेळ असून प्रत्येक पक्षाकडून तयारी सुरू आहे. भाजप आणि शिवसेना शिंदे गट जेव्हा एकत्र आले तेव्हाच विद्यमान सर्व खासदारांना पुन्हा उभे करायचे असे अमित शहा यांच्यासोबत ठरले होते. यामुळे मी शिवसेनेकडूनच आगामी लोकसभा निवडणुकीसाठी सामोरे जाणार आहे. गेल्या काही दिवसात बारामतीचे ज्योतिषी मोठ्या प्रमाणात कोल्हापुरात येत होते. अजून सुद्धा काहीजण फिरत आहेत आणि शिवसेनेकडे लोकांचे वाढलेले आकर्षण आणि आम्हाला मोठ्या प्रमाणात दिलेला विकास कामासाठी निधी हे पाहून अनेकांना पोटशूळ उठले आहे. यामुळे आमच्या बद्दल चुकीच्या बातम्या पसरवल्या जात आहेत असे संजय मंडलिक यांनी म्हटले आहे.

‘आमचं ठरलंय’ हा इतिहास झाला; मंडलिक कमळाच्या चिन्हावर लढणार असल्याची चर्चा, सतेज पाटलांचा रोखठोक पवित्रा

पुलाखालून बरंच पाणी गेलं आहे…

गेल्या काही दिवसांपासून संजय मंडलिक यांचा काँग्रेसच्या नेत्यांसोबत असलेला संपर्क कमी झाला असून याबाबत त्यांना विचारले असता काँग्रेसचे कोण नेते मला फोन करतात माहित नाही मात्र २०१९ च्या निवडणुकीत त्यांनी मला पाठिंबा दिला आणि आताही २०२४ ची निवडणूक आहे. या मधल्या काळात पुलाखालून बरंच पाणी गेलं आहे आणि यामुळे या निवडणुकीत काय होणार आहे हे तेव्हाच ठरवता येईल. २०१९ च्या निवडणुकीत ज्यांनी मला मदत केली त्यांना आज सुद्धा प्रत्येक ठिकाणी निधी देऊन मदत करतो. कोल्हापूरचा चौफेर विकास ज्यांना बघवत नाही, ते अशा पद्धतीचे चुकीच्या बातम्या पसरवतात असेही मंडलिक यावेळी म्हणाले आहेत.

VIDEO| कुणाल राऊतांना विरोध, यूथ काँग्रेसच्या बैठकीत राडा, दोन गटांमध्ये खुर्च्यांची फेकाफेक
मागच्या वेळेस धनंजय महाडिक हे माझ्या विरोधात होते मात्र ते आता आमच्या सोबत आहेत आणि आगामी निवडणुकीत ते माझा प्रचार करतील ते माझे अनेक वर्षापासूनचे मित्र आहेत. मी जयंत पाटील यांची एक मुलाखत पाहिली. त्यामध्ये त्यांनी शिंदे गटाचे अनेक लोक हे भाजपच्या चिन्हावर उभे राहणार असल्याचे म्हटले आहे. त्यांनी हा शोध कधी लावला? कारण ते बारामतीचे प्रतिनिधी आहेत. बारामतीचे ज्योतिष कोल्हापुरात आहेत काय? त्यामुळेच अशा वावड्या उठत आहेत असे ते म्हणाले आहेत.