या प्रक्रियेनंतर १२ एप्रिल रोजी त्यांच्या खात्यातून ९४ हजार ९९९ रुपये; तसेच १४ एप्रिलला ४९ हजार ९९९ रुपयांची कपात झाली. सायबर चोराने लिंक पाठवून १२ एप्रिल ते १४ एप्रिल या काळात एकूण दोन लाख ४४ हजार ९९६ रुपये काढून सोनवणे यांची फसवणूक केली. या प्रकरणात सोनवणे यांच्या तक्रारीवरून लिंक पाठविणाऱ्या ८२७४०६०७९४ या क्रमांकाच्या विरोधात छावणी पेालिस ठाण्यात गुन्हा दाखल करण्यात आला आहे. या प्रकरणाचा तपास पोलिस निरीक्षक कैलास देशमाने करीत आहेत.

हॉस्पिटलच्या नावाने ७८ हजारांची फसवणूक

सायबर पोलिस ठाण्यात दाखल झालेल्या एका तक्रारीत मोबाइल वापरकर्त्याला चिश्तिया चौकात असलेल्या एका हॉस्पिटलमध्ये नोंदणी करण्यासाठी एक रुपये लिंकवर ट्रान्सफर करण्याचे सांगितले. पैसे ट्रान्सफर केल्यानंतर त्यांच्या खात्यावरून ७८ हजार रुपये गेल्याची माहिती समोर आली आहे. या प्रकरणाची तक्रार सायबर पोलिस ठाण्यात देण्यात आली आहे. सायबर पोलिस या प्रकरणाचा तपास करीत आहेत.
नेटवर ‘रिव्ह्यु’ चक्रात फसत आहेत तरुण; पैसे कमविण्याच्या नावे कित्येकांना लुटले, नागपुरातील घटना
लिंक ओपन करून नका…

– गुगल सर्च इंजिनवर हॉस्पिटलसह फायनान्स संस्थांच्या नावाखाली अनेक मोबाइल नंबर देण्यात आले आहेत. अशा मोबाइल नंबरवर संपर्क करू नका. शक्यतो संबंधित हॉस्पिटल किंवा फायनान्स कंपनीच्या संकेतस्थळावर दिलेल्या अधिकृत क्रमांकावर संपर्क साधा.
– संबंधित संपर्क क्रमांकावर कोणतीही लिंक पाठवल्यास त्याच्यावर आपली माहिती भरू नका.
– संबंधित लिंकवर एक रुपया किंवा १० रुपये ट्रान्सफर करण्याबाबत सांगण्यात येते. मात्र, पैसे ट्रान्सफर करू नका. तसे केल्यास तुमच्या बँक खात्याची माहिती सायबर चोरांकडे पोहोचते.
– कोणत्याही प्रकारचे ओटीपी शेअर करू नका.