याप्रकरणी मुख्य निवडणूक निर्णय अधिकारी तथा विभागीय उपनिबंधक गौतम बलसाने यांनी स्पष्टीकरण दिले आहे. अर्ज माघारीच्या प्रक्रियेत एका उमेवाराच्या अर्जाबद्दल नाशिकरोड व्यापारी बँकेचे प्रभारी मुख्य कार्यकारी अधिकारी कदम यांनी नजरचुकीने चुकीची माहिती दिल्याने अर्ज बाद झाला होता. मात्र कदम यांनी माहिती दुरुस्त करून योग्य माहिती दिल्याने त्या उमेदवाराचा अर्ज वैध ठरविल्याची माहिती बलसाने यांनी दिली. त्यामुळे या निवडणुकीत सद्यस्थितीत ५५ अर्ज अवैध असल्याची माहिती निवडणूक निर्णय अधिकारी गौतम बलसाने यांनी दिली.

तसेच याप्रकरणी आर्थिक घोटाळ्याच्या आरोपांना काही अर्थ नसल्याचे स्पष्टीकरण त्यांनी दिले. तसेच बँकेच्या मुख्य कार्यकारी अधिकाऱ्यांनी उमेदवाराबद्दल जी चुकीची माहिती दिली, त्याबाबत वरिष्ठ अधिकाऱ्यांकडे तक्रार करणार असल्याची देखील माहिती दिली.