लालजीपाडा येथील गणेश नगरात राहणारा मनोज रविवारी सकाळी इमारतीवरून खाली उतरला. सकाळी सातच्या सुमारास त्याच्यावर गोळीबार करण्यात आला. या गोळीबारात त्याचा जागीच मृत्यू झाला. दिवसाढवळ्या झालेल्या या गोळीबारामुळे रहिवाशांमध्ये घबराट पसरली. गोळीबाराची माहिती मिळताच कांदिवली पोलिसांनी गुन्हा दाखल करून आरोपीचा शोध सुरू केला. मनोजच्या पत्नीकडेही बारकाईने चौकशी करण्यात आली.
Delhi Murder : साहिलने १५ दिवसांपूर्वीच केला होता प्लॅन, थंड डोक्याने कशी केली हत्या? नवी माहिती समोरमनोजवर गोळीबार करणाऱ्या तरुणाचे नाव रोहित पाल असल्याचे सीसीटीव्ही फुटेजमधून कळले. त्याआधारे पोलिसांची पथके प्रयागराजपर्यंत पोहोचली आणि मुसक्या आवळल्या. रोहित आणि मनोज याच्या पत्नीमध्ये प्रेमसंबंध होते. दोघांच्या अनैतिक संबधामध्ये मनोज येत असल्याने रोहितने त्याची हत्या केली, असे चौकशीत उघड झाले.