Vande Bharat Metro : मुंबईची लाईफलाईन असलेली मुंबई लोकल ट्रेन लवकरच इतिहासजमा होणार आहे, असं म्हटलं तर तुमचा विश्वास बसणार नाही. पण हे सत्यात होण्याची शक्यता आहे. कारण, मुंबई रेल्वे विकास कॉर्पोरेशनच्या (Mumbai Railway Vikas Corporation -MRVC) वरिष्ठ अधिकाऱ्याने दिलेल्या माहितीनुसार, रेल्वे बोर्डाने २३८ वंदे भारत मेट्रो गाड्या खरेदी करण्यासाठी मान्यता दिली आहे. यामुळे उपनगरीय रेल्वे नेटवर्क अपग्रेड करण्याच्या दिशेने हे मोठं पाऊल मानलं जात आहे.एमआरव्हीसीच्या प्रवक्त्याने सांगितले की, हे रेक मुंबई अर्बन ट्रान्सपोर्ट प्रोजेक्ट-III (MUTP-III) आणि ३A (MUTP-३A) अंतर्गत खरेदी केले जाणार आहेत. सगळ्यात महत्त्वाचं म्हणजे या गाड्या बनवण्याचं काम हे मेक इन इंडियाच्या मार्गदर्शक तत्वांनुसार करण्यात येईल. रेल्वेच्या नेटवर्कची क्षमता वाढवण्यासाठी हा प्रकल्प रेल्वे मंत्रालय आणि महाराष्ट्र सरकारच्या अंतर्गत राबवला जाईल. दरम्यान, MUTP-III आणि MUTP-३A या प्रकल्पांसाठी अनुक्रमे १०,९४७ कोटी रुपये आणि ३३,६९० कोटी रूपयांचा खर्च येईल, अशीही माहिती त्यांनी दिली.
२०२३-२४ च्या अर्थसंकल्पात वंदे भारत मेट्रोची घोषणा करण्यात आली…
वंदे भारत मेट्रो ही भारतातली पहिली स्वदेशी सेमी हाय स्पीड ट्रेन आहे. ही वंदे भारत एक्सप्रेसची एक मिनी आवृत्ती असणार आहे. वंदे भारत मेट्रो ट्रेनची घोषणा केंद्रीय अर्थसंकल्प २०२३-२४ मध्ये करण्यात आली होती. रेल्वेने दिलेल्या माहितीनुसार, वंदे भारत मेट्रोमध्ये अत्याधुनिक रेक असणार आहेत. हे १०० किलोमीटरपेक्षा कमी अंतरावरील शहरांना जोडले जातील.
वंदे मेट्रोमुळे लोकल गाड्यांवरील गर्दीचा ताण कमी होण्यास मदत होणार असून ही मुंबईकरांसाठी आनंदाची बातमी आहे. ही ट्रेन डिसेंबरपर्यंत तयार होईल. तर एकाच मार्गावर दिवसातून ४-५ वेळा ही ट्रेन धावेल. सामान्य वंदे भारत ट्रेनमध्ये १६ डबे असतात पण या ट्रेनला ८ डबे असतील. या ट्रेनची खास बाबा म्हणजे यामुळे प्रवाशांना जलद शटलसारखा अनुभव घेता येणार आहे. यामुळे नोकरदार वर्ग आणि विद्यार्थी कमी वेळेत एका शहरातून दुसऱ्या शहरामध्ये जाऊ शकतील. यावेळी त्यांना जागतिक दर्जाच्या वाहतूक सुविधेचा लाभ घेता येणार आहे.
Weather Alert: राज्यावर पुढचे ३ दिवस अस्मानी संकट, ‘या’ जिल्ह्याला हवामान खात्याचा अलर्ट जारी
वंदे मेट्रोमुळे लोकल गाड्यांवरील गर्दीचा ताण कमी होण्यास मदत होणार आहे. ही ट्रेन डिसेंबरपर्यंत तयार होईल. ही ट्रेन एकाच मार्गावर दिवसातून ४-५ वेळा धावेल. मेट्रो ट्रेनप्रमाणेच या ट्रेनला 8 डबे असतील. सामान्य वंदे भारत ट्रेनमध्ये १६ डबे असतात. ही ट्रेन प्रवाशांना जलद शटलसारखा अनुभव देईल. यामुळे नोकरदार लोक आणि विद्यार्थी कमी वेळेत एका शहरातून दुसऱ्या शहरात जाऊ शकतील. त्यांना जागतिक दर्जाच्या वाहतूक सुविधेचा लाभ घेता येणार आहे.
Thane Fire : हायटेन्शन वायरचा पत्र्याला स्पर्श, मुंबईत २ घरांमध्ये आगीचा भडका; २ लहान मुलांसह ४ जण जखमी