पिंपरी : पिंपरी चिंचवड शहर आणि परिसरात गुन्हेगारी दिवसेंदिवस वाढत आहे. भर दिवसा हत्या होत असून कुठलाही कायद्याचा धाक नसल्याचे पहायला मिळत आहे. किशोर आवारे यांच्या हत्येची घटना ताजी असतानाच आज पिंपरी चिंचवडमधील चिखली परिसरात दिवसाढवळ्या भर चौकात तरुणावर गोळीबार केल्याची घटना घडली असून यामध्ये संबधित तरुणाचा उपाचारपूर्विच मृत्यू झाला आहे. या घटनेने परिसरात एकच खळबळ उडाली आहे.मिळालेल्या माहितीनुसार, सोन्या तापकीर असे मृत झालेल्या तरुणाचे नाव असून त्याची हत्या का झाली याची माहिती अद्याप समोर आलेली नाही. घटनेची माहिती मिळताच पोलिसांनी घटनास्थळी दाखल होत पंचनामा करत पुढील तपास सुरू केला आहे.

तारीख ठरली! मुंबईला मिळणार देशातला सगळ्यात मोठा समुद्री सेतू, फक्त ९० मिनिटांत पुण्यात टच…
याबाबत अधिक माहिती अशी की, पिंपरी चिंचवड महानगपालिका हद्दीतील चिखली हे मोठे गाव. या गावच्या कमानी शेजारी बस स्टॉप आहे. या ठिकाणी दुपारच्या सुमारास अज्ञात हल्लेखोरांनी सोन्या तापकीर नावाच्या तरुणावर अचानक गोळीबार केला. या गोळीबारात सोन्या हा गंभीर जखमी झाला. त्याला खाजगी रुग्णालयात दाखल करण्यात आले होते. मात्र, डॉक्टरांनी त्याला उपाचारपूर्वीच मृत घोषित केले आहे. या घटनेमुळे पिंपरी चिंचवड शहरात एकच खळबळ उडाली आहे. या घटनेचा तपास चिखली पोलिसांकडून केला जात आहे.

Thane Fire : हायटेन्शन वायरचा पत्र्याला स्पर्श, मुंबईत २ घरांमध्ये आगीचा भडका; २ लहान मुलांसह ४ जण जखमी
काही दिवसांपूर्वी शिरगाव येथील सरपंचाचा भर चौकात खून करण्यात आला होता. त्यानंतर तळेगाव येथे जनसेवा समितीचे अध्यक्ष किशोर आवारे यांचा देखील दिवसाढवळ्या खून करण्यात आला होता. त्यामुळे गुन्हेगारीने डोकेवर काढले असल्याची चर्चा असतानाच आता भर चौकात तरुणावर गोळीबार करून खून करण्यात आला आहे. त्यामुळे पिंपरी चिंचवडमधील वातावरण दहशतमय होऊ लागल्याची चर्चा आता सुरू झाल्या आहेत.

चुकीला माफी नाही! पोलिसाने केली अशी चूक, कैद्याने झाडूने बदडलं; बेदम मारहाणीचा VIDEO समोर