मुंबई : समृद्धी महामार्गाच्या दुसऱ्या टप्प्याचं लोकार्पण २६ मे रोजी होणार आहे. दुसरा टप्पा शिर्डी ते भरवीरपर्यंत असणार आहे. २६ मे रोजी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस हे या हिंदु हृदयसम्राट बाळासाहेब ठाकरे समृद्धी महामार्गाच्या दुसऱ्या टप्प्याचं लोकार्पण करणार आहेत.नागपूर ते मुंबई समृद्धी महामार्गावरील पहिला टप्पा नागपूर ते शिर्डी आहे. नागपूर ते शिर्डीचा पहिला टप्पा ४८० किलोमीटरचा आहे. या मार्गाचं लोकार्पण पंतप्रधान नरेंद्र मोदींनी मागील वर्षी ११ डिसेंबर २०२२ रोजी केलं होतं. आता दुसरा टप्पा हा शिर्डी ते भरवीर असणार असून हा ८० किलोमीटरपर्यंतचा मार्ग आहे.
दुसरीकडे, समृद्धी महामार्गावरील इगतपुरी ते ठाणे हा मार्गदेखील जवळपास पूर्ण झाला आहे. या मार्गावरुन जाताना प्रवाशांना पर्वतरांगांमधून जाताना सह्याद्रीचं विलोभनीय दृष्य पाहता येणार आहे. पर्वतरांगांमधून घनदाट जंगलातून इगतपुरी ते ठाणे हा मार्ग जाणार आहे. इगतपुरी – ठाणे हा मार्ग १.२ किलोमीटर लांबीचा आहे. नाशिकच्या पिंपरी सदरोद्दीन ते वशाळा बुद्रुक असा १३ किलोमीटर लांब जोडलेला असेल.
हिंदुहृदयसम्राट बाळासाहेब ठाकरे महाराष्ट्र समृद्धी महामार्ग नागपूर – मुंबईला जोडणारा हा सर्वाधिक लांबीचा ग्रीनफिल्ड महामार्ग आहे. या महामार्गामुळे पर्यटनाला चालना मिळण्यासह महाराष्ट्रातील अनेक प्रेक्षणीय स्थळं जोडण्यास हा महामार्ग फायद्याचा ठरेल. हा महामार्ग भारतातील पहिला हाय स्पीड हायवे असून हा महामार्ग सहा पदरी असणार आहे.
Chhatrapati Sambhajinagar: छ.संभाजीनगरमध्ये ट्रॅक्टर आडवे लावले, समृद्धी महामार्ग रोखला, पोलिसांची धावपळ,अखेर..
नागपूर ते मुंबई अशा समृद्धी महामार्गाची एकूण लांबी ७१० किलोमीटर आहे. मात्र सध्या नागपूर ते शिर्डी आणि शिर्डी ते भरवीपर्यंतचं काम पूर्ण झालं आहे. नागपूर ते भरवीर हा मार्ग पूर्ण झाल्यानंतर वाहतुकीसाठी खुला केला जाईल. संपूर्ण महामार्गाचं काम पूर्ण झाल्यानंतर मुंबई ते नागपूर हा प्रवास सात तासात पूर्ण होईल अशी माहिती आहे. २०२४ पर्यंत मुंबई ते नागपूर हा संपूर्ण समृद्धी महामार्ग प्रवासासाठी खुला करण्याचं उदिष्ट्य आहे.