“२०१९ साली बापट साहेब खासदार होण्याआधी पासून राजनाथ सिंह आणि गिरीश बापट यांची मैत्री होती. २००३ सालापासून राजनाथ सिंह आणि आमचे कौटुंबिक जिव्हाळ्याचे संबंध होते. राजनाथजी राष्ट्रीय अध्यक्ष असताना त्यांनी बापट साहेबांकडे अनेक जबाबदाऱ्या सोपवल्या होत्या. त्या सर्व आठवणींना आज राजनाथ सिंह यांनी उजाळा दिला” अशी माहिती गौरव बापट यांनी दिली.
दरम्यान, गिरीश बापट यांच्या निधनानंतर पुणे लोकसभेची जागा रिक्त झालेली आहे. पोटनिवडणूक जर झाली तर या जागी बापट कुटुंबातील सदस्याला येथून उमेदवारी दिली जाऊ शकते, अशी चर्चाही सुरू आहे. या दरम्यान भाजपच्या राज्यातील आणि देशातील बडे नेते बापट कुटुंबीयांची भेट घेत असल्याने बापट कुटुंबीयांची दावेदारी पुणे लोकसभेसाठी पक्की मानली जात आहे.
Ajit Pawar : एकनाथ शिंदेंसह १६ आमदार अपात्र ठरणार का? अजित पवारांनी खास शैलीत वर्तवला रोखठोक अंदाज
नुकतेच भाजपचे प्रदेशाध्यक्ष चंद्रशेखर बावनकुळे यांनी पुणे दौऱ्यावर असताना बापट यांच्या घरी जात गौरव बापट यांची भेट घेतली होती. त्यानंतर आज स्वतः राजनाथ सिंह यांनी बापट कुटुंबीयांची भेट घेतल्यानंतर पोटनिवडणूक झालीच तर बापट कुटुंबीयांची दावेदारी पक्की मनाली जात आहे.