रेश्मा बारामतीच्या नेहमीच जिरायती आणि दुष्काळी भागात जन्माला येऊन आर्थिक परिस्थितीच्या उंबरठ्यावर उभं राहून स्वतःची ओळख निर्माण करणारी एक संघर्षशील, धैयशिल, कृतिशील आंतरराष्ट्रीय खेळाडू आहे.

Jalna News: किडनी निकामी, नवऱ्याची नोकरी गेली पण हिंमत हरली नाही; लोणच्याचा व्यवसायातून १० लाखांची उलाढाल
रेश्मा शिवाजी पुणेकरने आज तिच्या खेळात आंतरराष्ट्रीय स्तरावर मोठं यश मिळवलं आहे. असं असूनही तिच्यासमोर कठीण परिस्थिती उभी आहे. तिसऱ्या आंतरराष्ट्रीय स्पर्धेसाठी लागणाऱ्या खर्चासाठी तिच्याकडे पुरेसं आर्थिक पाठबळ नाही. रेश्मा सध्या सावित्रीबाई फुले पुणे विद्यापीठ येथे शारिरीक शिक्षण विभागात एम. पी. एड या वर्गात शिक्षण घेत आहे.

रेश्माला आतापर्यंत मिळालेले मेडल, प्रमाणपहीत्रं ठेवण्यासाठी तिच्याकडे एखादं कपाटही नाही. तसंच तिच्याकडे कोणतीही आधुनिक उपकरणं, साहित्य नाही. रेश्माकडे दोन जोडी बैल आहेत. तिचे आई-वडील शेतात रात्रंदिवस काम करतात. मुलीच्या खेळासाठी त्यांनी बकरी विकली, स्वत:चं शेतही विकलं, पण आजही तिची परिस्थिती काळ बनून तिच्यासमोर उभी आहे.

घरात संकटांचा डोंगर, दिव्याखाली अभ्यास करुन डॉक्टर झाली; धाराशिवच्या महिलेची प्रेरणादायी गोष्ट
रेश्माच्या खेळरुपी पंखांना बळ देण्यासाठी तिला आर्थिक मदतीची गरज आहे. जिद्द, चिकाटी आणि आत्मविश्वासाच्या जोरावर ती महाराष्ट्राचंच नाही, तर देशाचं नाव उंचावेल यात शंका नाही. येणाऱ्या काळात तिच्या आहारासाठी, खेळण्याच्या साहित्यासाठी आणि इतर लागणारा खर्च तिला पेलवणारा नाही. त्यामुळेच समाजातील दानशूरांना रेश्मा पुणेकर मदतीचं आव्हान करत आहे.