नांदेड : नाश्ता करण्यासाठी थांबलेल्या एका दाम्पत्याच्या जवळील चार लाख रुपये असलेली बॅग घेऊन दोन चोरटे पसार झाले. बुधवारी दुपारी भर दिवसा नांदेड शहरातील वसंतनगर भागात ही घटना घडली. बॅग लिफ्टिंगचा हा प्रकार सीसीटीव्ही कॅमेऱ्यात कैद झाला आहे. पोलीस दोन्ही चोरट्यांचा शोध घेत आहे.शिवशंकर बडूरे आणि त्यांची पत्नीने बुधवारी दुपारी नवीन मोंढा परिसरातील एसबीआय बँकेच्या खात्यातून चार लाख रुपये काढले. ते दोघे पैसे घेऊन दुचाकीने आपल्या घराकडे निघाले होते. वाटेत असताना वसंतनगर भागात नाश्ता करण्यासाठी ते एका हॉटेलजवळ थांबले. त्यानंतर शिवशंकर बडूरे यांनी पैशांची बॅग पेट्रोलच्या टाकीवर ठेवली आणि गाडीचा साईड स्टॅन्ड लावू लागले. तेवढ्यात पाठीमागून दुचाकीवर आलेल्या दोघांनी पैशांची बॅग घेऊन पळ काढला.
या घटनेनंतर या दाम्पत्यांनी आरडाओरड करायला सुरुवात केली. मात्र तोपर्यंत चोरटे धूम ठोकत पसार झाले होते. त्यानंतर या दाम्पत्याने घडलेल्या घटनेची माहिती पोलिसांना दिली. त्यानंतर पोलिसांनी चोरट्यांचा शोध घेण्यास सुरुवात केली. मात्र चोरटे काही पोलिसांच्या हाती काही लागले नाही. दरम्यान या प्रकरणी शिवाजीनगर पोलिसांनी गुन्हा दाखल केला आहे. दरम्यान भर दिवसा आणि गजबजलेल्या परिसरात घडलेल्या या घटनेने एकच खळबळ उडाली आहे.
या घटनेनंतर या दाम्पत्यांनी आरडाओरड करायला सुरुवात केली. मात्र तोपर्यंत चोरटे धूम ठोकत पसार झाले होते. त्यानंतर या दाम्पत्याने घडलेल्या घटनेची माहिती पोलिसांना दिली. त्यानंतर पोलिसांनी चोरट्यांचा शोध घेण्यास सुरुवात केली. मात्र चोरटे काही पोलिसांच्या हाती काही लागले नाही. दरम्यान या प्रकरणी शिवाजीनगर पोलिसांनी गुन्हा दाखल केला आहे. दरम्यान भर दिवसा आणि गजबजलेल्या परिसरात घडलेल्या या घटनेने एकच खळबळ उडाली आहे.
तो पेट शॉपमध्ये आला, बोलण्यात गुंतवून ठेवले आणि साधला डाव, सर्व हालचाली सीसीटीव्हीत कैद
हॉटेल मधील कामगारांना पगार देण्यासाठी बँकेतून काढले होते पैसे
शिवशंकर बडूरे यांचे भाग्यनगर रोडवर आई पराठा नावाने हॉटेल आहे. हॉटेलमधील कामगारांना पगार देण्यासाठी, तसेच भाजीपाला खरेदी करण्यासाठी शिवशंकर बडूरे यांनी बँकेच्या खात्यातून चार लाख रुपये काढले होते. बुधवारी सायंकाळी हॉटेलच्या कामगारांना पगार देण्याचं त्यांनी ठरवलं होतं. मात्र दुचाकीवरून आलेल्या दोघांनी डोळ्याचे पाते लवते न लवते तोच पैश्याने भरलेली बॅग हिसकावून पळ काढला.
किंग चार्ल्स यांचा राज्याभिषेक, मुंबईच्या डबेवाल्यांना आमंत्रण, लघुपटाद्वारे बनले होते नाते
बॅग पळवण्याची ही घटना सीसीटीव्ही कैमेऱ्यात कैद
नांदेड शहरात भरदिवसा घडलेली बॅगेच्या चोरीची ही घटना परिसरातील दुकानांमधील सीसीटीव्ही कॅमेऱ्यात कैद झाली. ज्या मार्गाने हे दाम्पत्य आले होते त्याच मार्गाने दोन्ही चोरटे त्यांचा पाठलाग करत त्यांच्या मागे आले होते. शेवटी संधी साधत चोरट्यांनी डाव साधला. बॅगेत पैशांसोबतच हॉटेल चालकाचा मोबाइल देखील होता. पोलिसांनी सीसीटीव्ही आणि मोबाइल लोकेशनच्या आधारे शोध घेतला. परभणी जिल्ह्यातील जिंतूरचोंडीपर्यंत मोबाइल लोकेशन दिसत होते. मात्र त्यानंतर चोरट्यांनी मोबाईल स्विच ऑफ केल्याचे स्पष्ट झाले.