नवी मुंबई : तुर्भे एमआयडीसी येथे सर्पदंशाने एका ११ वर्षीय मुलाचा मृत्यू झाला. मानव दीपक गावडे (वय ११ वर्ष, रा. बोनसरी गाव) असे मृत मुलाचे नाव आहे. ही घटना सोमवारी दुपारी चार वाजताच्या सुमारास घडली होती.तुर्भे एम. आय. डी. सी मधील बोनसरी गांव परिसरातील डी. आर. पाटील चाळीच्या परिसरात लहान मुले दुपारच्या वेळेस खेळत होती. यावेळी दोन रुपयाचे नाणे बिळातून काढत असताना दगडाच्या भिंतीत लपून बसलेल्या नागाने मानवच्या हाताला कडाडून चावा घेतला होता, परंतु खेळण्याच्या नादात त्याने लवकर कोणाला सांगितले नाही .
सायंकाळच्या सुमारास त्याला अत्यवस्थ वाटू लागल्याने तो घरी आला. घरच्यांनी विचारणा केली असता खेळताना भिंतीवर हात ठेवला होता तेव्हा मला काही तरी चावले म्हणून त्याने सांगितले.
सायंकाळच्या सुमारास त्याला अत्यवस्थ वाटू लागल्याने तो घरी आला. घरच्यांनी विचारणा केली असता खेळताना भिंतीवर हात ठेवला होता तेव्हा मला काही तरी चावले म्हणून त्याने सांगितले.
परंतु, प्रकृती आणखी खालावताच त्याला खाजगी वाहनाने वाशीतील मनपा रुग्णालयात उपचारासाठी दाखल केले असता त्याला डॉक्टरांनी तपासून मृत घोषित केले. उपचारास उशीर झाल्याने त्याचा दुर्दैवी मृत्यू झाला असल्याचे सांगण्यात आले. मंगळवारी दुपारी तुर्भे येथील स्मशानभूमीत त्याच्या पार्थिवावर अंत्यसंस्कार करण्यात आले.
भयानक! विषारी घोणस सापाला भक्ष करणारा नाग; व्हिडीओ व्हायरल
याबाबत नागरिकांमध्ये जनजागृती व्हावी या हेतूने वाईल्ड लाईफ वेलफेअर असोसिएशन (डब्लू. डब्लू. ए ) या संस्थेचे सर्पमित्र दीपक गायकवाड यांनी माहिती दिली. सध्या उन्हाळ्याचे दिवस असल्याने, तसेच पावसाळा जवळ आल्यामुळे साप आपले अन्न शोधण्यासाठी बाहेर पडत असतात. ते अडचणीच्या ठिकाणी लपून बसत असतात, उदा. जळाऊ लाकडे, उंदराचे बीळ, अडचणीचे ठिकाण इत्यादी.
वावटळीत झोळी ४०० फूट उंच उडाली, दगडावर आदळली; झोपेतच चिमुरडीचा अखेरचा श्वास
साप आपल्या घराजवळ येऊ नये म्हणून काय करावे उदा. जळाऊ लाकडे घरापासून दूर ठेवावी, उंदराचे बिळ बंद करावे, उंदीर घरात येऊ नये म्हणून शिळे अन्न जवळच्या कचरा कुंडीत टाकावे, आपले घर व परिसर स्वच्छ ठेवावे तसेच आपल्या परिसरात साप किंवा इतर सरपटणारे प्राणी, पक्षी आढळून आल्यास त्यांना कुठलीही इजा किंवा न मारता ताबडतोब जवळच्या सर्पमित्र, पशुपक्षी प्राणीमित्र यांना या बाबत माहिती देऊन बोलावून घ्यावे अशी जनजागृती केली