मुंबई : मुंबईतला दहशतवाद सगळ्यांनीच पाहिला आहे. याच दहशतवादाचं दुसरं नाव म्हणजे छोटा राजन. ८० च्या दशकामध्ये मुंबईत छोटा राजनचा दरारा होता. मुंबई पोलिसांना त्याने नाकी नऊ आणली होती. अंडरवर्ल्ड डॉन दाऊद इब्राहिमचा सगळ्यात जास्त विश्वास हा छोटा राजनवरच होता. दुबईतही दोघांची एकमेकांशी जवळीत होती. छोटा राजनचं खरं नाव सदाशिव निकाळजे आहे. त्याचा जन्म चेंबूरच्या टिळकनगर इथं झाला. तो लहानाचा मोठाही तिथेच झाला. तो आधीपासून कोणालाही न घाबरता अतिशय बिनधास्त जगायचा.छोटा राजन याने वयाच्या अवघ्या १० व्या वर्षी गुन्हेगारीत आपलं पाऊल ठेवलं. सगळ्यात आधी तो सिनेमाची तिकिटं ब्लॅकने विकण्याचं काम करायचा. यानंतर त्याने थेट बडा राजन टोळीत हजेरी लावली. तो या टोळीचा हिस्सा झाला. राजन महादेव नायर उर्फ बडा राजन याच्या मृत्यूनंतर सदाशिवने पुढे टोळीचा ताबा घेतला आणि तो छोटा राजन म्हणून प्रसिद्ध झाला. गुन्हेगारीत आपली दहशत निर्माण करत करत तो अंडरवर्ल्ड डॉन दाऊद इब्राहिमपर्यंत पोहोचला. इतकंच नाहीतर तर दाऊदचा विश्वासही संपादन केला. यानंतर छोटा राजन हा दाऊदसाठी काम करू लागला.
Crime Diary: पती गेल्याने पत्नी ढसाढसा रडली, पोलिसही दु:खात; २८ दिवसांनी सत्य उलगडताच फुटला घाम
छोटा राजनचा दुबईमध्ये सुजातासोबत विवाह…
Crime Diary: पती गेल्याने पत्नी ढसाढसा रडली, पोलिसही दु:खात; २८ दिवसांनी सत्य उलगडताच फुटला घाम
छोटा राजनचा दुबईमध्ये सुजातासोबत विवाह…
अंडरवर्ल्डच्या विश्वास त्याचं काम जोमात सुरू होतं. पण या डॉनलाही प्रेम झालं. एकीकडे तो गुन्हेगारी विश्वास मुरला होता तर दुसरीकडे छोटा राजनच्या आयुष्यात मुंबईमध्ये राहणारी सुजाता नावाची मुलगी आली. सुजाताने छोटा राजनच्या मनात असं काही घर केलं की ती पुढे त्याची पत्नीही झाली. १९८८ मध्ये छोटा राजन दुबईला गेला होता. तिथूनच तो दाऊदसाठी काम करत होता. सगळ्यात महत्त्वाचं म्हणजे छोटा राजन आणि सुजाताचा विवाह चक्क अंडरवर्ल्ड डॉन दाऊद इब्राहिमनेच लावून दिला होता.
छोटा राजनच्या लग्नाला दाऊद आणि त्याच्या पत्नीचीही हजेरी…
छोटा राजनची पत्नी सुजाता ही दाऊदला आपला मोठा भाऊ मानत होती. छोटा राजन आणि दाऊदचे चांगले कौटुंबिक संबंध होते. इतकंच नाहीतर जेव्हा छोटा राजनचा विवाह झाला तेव्हा दाऊद आणि त्याची पत्नी जुबीना जरीन दोघांनीही लग्नासाठी हजेरी लावली होती. छोटा राजन आणि सुजाताचा विवाह दुबईमध्ये झाला असला तरी त्यांचं लग्न अगदी मराठमोळ्या पद्धतीने झालं.
लग्नानंतर दाऊद आणि छोटा राजनमध्ये आलं शत्रुत्व…
सुजाताशी लग्न झाल्यानंतर काही दिवसांनीच छोटा राजन दाऊदपासून वेगळा झाला. कारण होतं १९९३मध्ये झालेला मुंबई हल्ला. मुंबईमध्ये झालेला हल्ला हा दाऊदने केला असल्याचं छोटा राजनला कळताच ही बाब त्याला आवडली नाही. त्यामुळे दोघांमध्ये शत्रुत्व निर्माण झालं. छोटा राजन आणि दाऊदच्या शत्रुत्वाचे किस्से बरीच वर्ष गाजत राहिले. इतकंच नाहीतर दाऊदने अनेकदा छोटा राजनला जीव मारण्याचाही प्रयत्न केला. पण छोटा राजन मोठ्या हुशारीने वाचत राहिला.
असं बोललं जातं की छोटान राजनने दुबई सोडून नंतर मलेशिला गाठलं होतं. तो मलेशियामध्ये एक हॉटेल, क्लब आणि पब चालवू लागला. विशेष म्हणजे मलेशियानंतर छोटा राजनने थायलंडमध्ये आपलं सम्राज्य पसरवलं. अनेक वर्षे त्याने विदेशात राहून काम केलं आणि तिथेही आपली दशहत त्याने कायम ठेवली.
३ मुलींसह मुंबईत राहते छोटा राजनची पत्नी…
खरंतर, छोटा राजनच्या नावावर भारतामध्ये अनेक गुन्हे दाखल आहेत. मुंबई पोलिसांनी त्याला मोस्ट वाँटेड म्हणून घोषित केल्याने तो कधीही भारतात आला नाही. हो, पण या सगळ्यात त्याची पत्नी सुजाता निकाळजे मात्र मुंबईला परत आली. ती आपल्या ३ मुलींसह चेंबूरच्या टिळकनगर इथे राहू लागली. छोटा राजन आणि सुजाता हिला ३ मुली आहेत. या डॉनची एक मुलगी ब्रिटेनमध्ये MBA करत आहे. तर दुसरी मुलगी इंजिनिअर आहे. छोटा राजनचं गाव साताऱ्यातील गिरवी आहे. त्याचं कुटुंब नेहमी गावी जात असतं. छोटा राजन याला २०१५मध्ये इंडोनेशियातील बाली इथं अटक करण्यात आली होती. त्यानंतर त्याला भारतात आणलं गेलं आणि दिल्लीच्या तिहाड जेलमध्ये बंद करण्यात आलं आहे.
Crime Diary: रोज थोडं-थोडं करून पतीला जीव घेतला, पुरावाही नाही ठेवला; वाचा सायलंट किलर ‘सौ’ची कहाणी…