शेतकरी अडचणीत आहे. शेतकरी अवकाळीने पुरे हाल झाला आहे. अशा स्थितीत शेतकऱ्याला आधाराची गरज आहे. मात्र सरकार झोपेत आहे. कोरोनाच्या काळात आम्ही आर्थिक शिस्त पाळली. पण सध्या सरकार कोटींच्या जाहिराती देतायत, उधळपट्टी करतायेत. आताच्या सरकारमध्ये कंत्राटदारांची बिलं थकली, असा हल्लाबोल अजितदादांनी केला.

सध्याच्या सरकारच्या काळात राज्यात प्रचंड प्रमाणात गुन्हेगारी वाढली. कायदा सुव्यवस्थेचे तीनतेरा वाजलेत. या सरकारला सत्तेवर राहण्याचा अधिकार नाही. यांना आता जागा दाखवण्याची वेळ आलीये, असा एल्गार करतानाच माझ्यासंबंधाने मीडियात काही चर्चा सुरु आहेत. पण त्या चर्चांमध्ये काहीही तथ्य नसल्याचं सांगत महाविकास आघाडीच्या कार्यकर्त्यांनी त्यावर विश्वास ठेऊ नये, असं आवाहन अजितदादांनी केलं.

मविआला बाजार समितीत चांगलं यश मिळालं. हे सरकार स्थानिक स्वराज्य संस्थेच्या निवडणुका घ्यायला घाबरतंय. त्यांना हरण्याची भीती वाटतीये. मविआ एकदिलाने लढेल आणि सत्ताधाऱ्यांना त्यांची जागा दाखवेल, असा हुंकारही अजित पवार यांनी केला.