नवी मुंबई : नवी मुंबईसह राज्य आणि देशपातळीवर संपूर्ण देश क्रिकेट वेडा असताना, काही मुलांना आपली कारकीर्द इतर खेळामध्ये घडविण्यात जास्त रस असतो. या प्रमाणेच नवी मुंबईतील १२ वर्षीय ॠषिकेश माने हा अपवाद ठरला आहे. ऋषीकेश याने टेनिसमध्ये आपले आणि देशाचे नाव उज्ज्वल करण्याची जिद्द बालळली असून त्याने याच जिद्दीने भरारी घेत थेट आयटीएफ एशिया-१२ मध्ये भारताचे प्रतिनिधित्व करण्याची संधी मिळवली आहे. बांगलादेशातील ढाका येथे होणाऱ्या दक्षिण आशियाई सांघिक स्पर्धेसाठी ऋषिकेशची निवड झाली आहे.आंतरराष्ट्रीय स्तरावर निवड होणारा महाराष्ट्रातील एकमेव टेनिसपटू म्हणून ॠषिकेश माने याला हा बहुमान मिळाला आहे. ॠषिकेश माने हा सध्या नेरूळ जिमखान्यातील बिलिफ टेनिस आकदमीचे संचालक गीतेश अवस्थी यांच्याकडून टेनिसचे धडे घेत आहे.
या स्पर्धेमध्ये दक्षिण आशियाई देश भारत, बांगलादेश, नेपाळ, पाकिस्तान, श्रीलंका, भूतान आणि मालदीव भाग घेणार आहेत. ही स्पर्धा बांगलादेशातील ढाका येथील शेख जमाल नॅशनल टेनिस कॉम्प्लेक्स येथे १६ मे ते २० मे दरम्यान होणार आहे.
या स्पर्धेमध्ये दक्षिण आशियाई देश भारत, बांगलादेश, नेपाळ, पाकिस्तान, श्रीलंका, भूतान आणि मालदीव भाग घेणार आहेत. ही स्पर्धा बांगलादेशातील ढाका येथील शेख जमाल नॅशनल टेनिस कॉम्प्लेक्स येथे १६ मे ते २० मे दरम्यान होणार आहे.
भाग्यश्री फंडने पटकावली महिला महाराष्ट्र केसरी स्पर्धेची गदा, अमृताला नमवले, मात्र स्पर्धेचा शेवट झाला वादाने
या संपूर्ण यशाचे श्रेय ॠषिकेश आपल्या आईसह, वडील आणि प्रशिक्षक यांना देत आहे. तर आपल्याला या निवडीवर आनंद आहेच, मात्र यात माझ्या शाळेच्या मुख्याध्यापिका ब्लेसी मॅडम यांनीही आपल्याला संपूर्ण मोकळीक दिली असल्याने खेळावर लक्ष केंद्रित करण्यात वेळ मिळत आहे. त्यामुळे आपण सर्वांचे आभार मानत असून, होणाऱ्या स्पर्धांमध्ये पाकिस्तानच्या टीमला हरवून पुढे जाण्याचे स्वप्न असल्याचे त्याने सांगितले. आपण देशाचे नाव मोठे करण्याचेही स्वप्न बाळगले असून क्रिकेट व्यतिरिक्त टेनिसमध्येही भविष्य घडवले जाते, अशी भावना यावेळी ऋषिकेश माने याने व्यक्त केली.
एसटी बस चालकाचा ताबा सुटला, बस नाल्यात उलटली, ५ प्रवासी गंभीर, ४ वर्षीय बालकासह १५ जखमी
इतक्या लहान वयात ऋषीकेशने मिळवलेल्या यशाचे कौतुक ऋषिकेशचे वडील प्रवीण माने आणि प्रशिक्षक गीतेश अवस्थी यांनी केले असून ऋषीकेशने देशाचे नाव मोठे करावे अशी प्रतिक्रिया यावेंळी ऋषिकेशचे वडील प्रवीण माने आणि प्रशिक्षक गीतेश अवस्थी यांनी दिली आहे.
कल्याण हादरले; अल्पवयीन मुलीवर चौघांचा सामूहिक अत्याचार, इन्स्टाग्रामवर झाली होती मैत्री