तुरुंगातील ओळखीतून झाले साथीदार

इम्रान हा चोरांच्या टोळीचा सूत्रधार असून त्याची महेंद्र, मोहम्मद आणि शकीलसोबत तुरुंगात ओळख झाली. तुरुंगातून बाहेर आल्यावर या सर्वांनी मिळून टोळी बनविली आणि बसमध्ये खिसे कापण्यास सुरुवात केली. दिवसाला पाच ते दहा मोबाइल चोरीचे लक्ष्य ठेवूनच ते बसमध्ये शिरत. शकील हा बस थांब्याच्या पुढे रिक्षा घेऊन थांबत असे. मोबाइल खिसकावल्यावर कुणाच्या लक्षात आल्यास रिक्षातून हे चोर पळ काढत होते.