नाशिक:शहरातील अंबड पोलीस ठाण्याच्या हद्दीत असलेल्या जाधव संकुल परिसरात हृदय पिळवटून टाकणारी एक घटना घडली आहे. नियतीने घात केल्यामुळे हसत्या खेळत्या जीवाचे अवघ्या तीन वर्षातच आयुष्य संपले आहे. कालपर्यंत आपल्या अवतीभवती अंगा खांद्यावर खेळणारे लेकरू आज काळाने त्याच्या आईवडिलांकडून हिरावून घेतलं आहे.नाशिक शहरातील जाधव संकुल परिसरात राहणाऱ्या विश्वकर्मा कुटुंबातील तीन वर्षाच्या मुलाच्या अंगावर घरातील लाकडी कपाट पडल्याने दुर्दैवी मृत्यू झाल्याची घटना उघडकीस आली आहे. अवघे तीन वर्ष जग पाहिलेल्या बालकाचा करूण अंत झाल्याने परिसरात हळहळ व्यक्त केली जात आहे. शौर्य सुजित विश्वकर्मा असे या हृदयद्रावक दुर्घटनेत मृत्यू झालेल्या तीन वर्षीय बालकाचे नाव आहे.

बुधवारी पहाटे साडेसहा वाजत तीन वर्षांचा शौर्य साखर झोपेत असताना. नशिबाने घात केला झोपेत असतानाच त्याच्या अंगावर भले मोठे लाकडी कपाट पडले. शौर्यच्या अंगावर कपाट पडल्याने त्याचा जागीच मृत्यू झाला. झोपेत असताना त्याचा मृत्यू झाला आहे.

मोठी बातमी! बोरिवली ते विरार दरम्यान आता जलद प्रवास होणार, गाड्यांचा वेग वाढणार, कारण…
शौर्याच्या अंगावर कपाट पडल्यानंतर त्याला तात्काळ जिल्हा रुग्णालयात उपचारासाठी दाखल करण्यात आले परंतु यावेळी डॉक्टरानी त्यास तपासून मृत घोषित केले. यावेळी त्याच्या पालकांनी देखील हंबरडा फोडला. तीन वर्षाच्या बालकाचा दुर्दैवी झाल्याने परिसरात हळहळ व्यक्त केली जात असून परिसरात शोककळा पसरली. या प्रकरणाचा पुढील तपास अंबड पोलीस करीत आहेत. या पूर्वी देखील शहरात अशा दुर्दैवी घटना घडल्या आहेत त्यामुळे लहान मुले असलेल्या घरातील पालकांनी विशेष काळजी घेणे गरजेचे आहे.

पुण्यात गुलाबजामवरुन भिडले नातेवाईक आणि केटरर्स, लग्नाच्या मांडवातच तुफान हाणामारी

वानराच्या निधनाने गावाला अश्रू अनावर; श्रद्धांजलीसाठी गावात ११ दिवसाचा दुखावटा जाहीर!