पुणे :पुण्यातील सिंहगड रस्त्यावरील किरकिटवाडी फाट्याजवळ भरधाव डंपरने ओव्हरटेक करण्याच्या नादात दुचाकीला धडक दिली. त्यानंतर दुचाकीवरील नवविवाहित महिलेचा समोरून येणाऱ्या टँकरखाली पडून जागीच मृत्यू झाला. आज सकाळी नऊ वाजण्याच्या सुमारास ही घटना घडली आहे. या घटनेने परिसरात एकच खळबळ उडाली असून बघ्यांची एकच गर्दी झाली होती.शिवानी शैलेश पाटील (वय २४ वर्ष, रा. स्वप्नपूर्ती हाइट्स, किरकटवाडी ता. हवेली) असे या अपघातात मृत्यू झालेल्या विवाहितेचे नाव आहे. या घटनेचे सीसीटीव्ही फूटेज समोर आले आहे. अंगावर शहारे आणणारा हा अपघात घडला आहे.
याबाबत पोलिसांनी दिलेली माहिती अशी की, नवविवाहिता शिवानी पाटील या आपल्या पतीसह दुचाकीवरून कामाला निघाल्या होत्या. किरकटवाडी फाट्याजवळील रामेश्वर पतसंस्थेच्या समोर वाहनांची वर्दळ असताना मागून भरधाव वेगात आलेल्या अवजड डंपरने दुचाकीला जोरात धडक दिली. त्यानंतर शिवानी या पतीसह रस्त्यावरच पडल्या. त्यात शिवानी यांच्या डोक्यावरून पाण्याच्या टँकरचे चाक गेल्याने त्यांचा जागीच मृत्यू झाला. घटनेनंतर डंपर व टँकर ही दोन्हीही वाहने घेऊन संबंधित चालक पसार झाले आहेत. पोलिसांकडून दोन्हीही वाहनांचा शोध सुरू आहे.
याबाबत पोलिसांनी दिलेली माहिती अशी की, नवविवाहिता शिवानी पाटील या आपल्या पतीसह दुचाकीवरून कामाला निघाल्या होत्या. किरकटवाडी फाट्याजवळील रामेश्वर पतसंस्थेच्या समोर वाहनांची वर्दळ असताना मागून भरधाव वेगात आलेल्या अवजड डंपरने दुचाकीला जोरात धडक दिली. त्यानंतर शिवानी या पतीसह रस्त्यावरच पडल्या. त्यात शिवानी यांच्या डोक्यावरून पाण्याच्या टँकरचे चाक गेल्याने त्यांचा जागीच मृत्यू झाला. घटनेनंतर डंपर व टँकर ही दोन्हीही वाहने घेऊन संबंधित चालक पसार झाले आहेत. पोलिसांकडून दोन्हीही वाहनांचा शोध सुरू आहे.
डंपर आणि टँकरची रोजचीच घाई नागरिकांच्या जीवावर बेतताना पहायला मिळत आहे. नांदोशी येथील दगड खाणीतून अवजड वाहतूक करणारे डंपर नियम डावलून भरधाव वेगाने किरकटवाडी व मुख्य सिंहगड रस्त्यावरुन ये-जा करत असतात. नागरिकांनी अनेक वेळा तक्रारी केलेल्या आहेत. मात्र प्रशासनाकडून याकडे दुर्लक्ष केले जात आहे.
पुण्यातील नवले पुलावर बस आणि ट्रकचा अपघात; चौघांचा जागीच मृत्यू तर बावीस जण जखमी
डंपर व टँकर या दोन्ही वाहनांचा शोध सुरू असून या अपघाताचा व्हिडिओ मिळाला असून लवकरच दोन्ही वाहने व चालक सापडतील. दुर्दैवाने महिलेचा जागीच मृत्यू झाला असून पुढील कार्यवाही सुरू असल्याची माहिती हवेलीचे पोलिस निरीक्षक सचिन वांगडे यांनी दिली आहे.
पाहा व्हिडिओ :
भरधाव डम्परची बाईकला धडक, पुण्यात निवृत्त पोलिसासह पत्नीचा जागेवरच मृत्यू