गोंदिया: सध्या आता लग्नाचा सिजन सुरु आहे. ज्याच्या कुटुंबात मुलगा किंवा मुलीचं लग्न असतं त्या कुटुंबात आनंदाचं वातावरण असतं. लग्न पार पडत नाही तोपर्यंत त्या कुटुंबात लग्नाची गडबड सुरु असते. मात्र, अशा आनंदात कुटुंबातील कुणी कायमचं सोडून गेलं तर त्या कुटुंबावर दु:खाचा डोंगर कोसळतो. अशीच एक दु:खद घटना गोंदिया येथे घडली आहे.
मुलीच्या लग्नाच्या पत्रिका वाटायला जात असताना मागून येणाऱ्या भरधाव बोलेरोने दुचाकीला दिलेल्या धडकेत नवरी मुलीच्या वडिलांचा जागीच मृत्यू झाला, तर आई गंभीर जखमी झाली आहे. आज दुपारी तिरोडा तालुक्यातील पांजरा येथे ही घटना घडली. नरेश बोपचे असं अपघातात मृत्यू झालेल्या मुलीच्या वडिलांचे नाव आहे. तर वंदना बोपचे, असं जखमी झालेल्या आईचं नाव आहे.
मुलीच्या लग्नाच्या पत्रिका वाटायला जात असताना मागून येणाऱ्या भरधाव बोलेरोने दुचाकीला दिलेल्या धडकेत नवरी मुलीच्या वडिलांचा जागीच मृत्यू झाला, तर आई गंभीर जखमी झाली आहे. आज दुपारी तिरोडा तालुक्यातील पांजरा येथे ही घटना घडली. नरेश बोपचे असं अपघातात मृत्यू झालेल्या मुलीच्या वडिलांचे नाव आहे. तर वंदना बोपचे, असं जखमी झालेल्या आईचं नाव आहे.
तिरोडा तालुक्यातील खूरखुडी येथील नरेश फागुराम बोपचे हे आपल्या मोटरसायकल क्र. एमएच ३१ बीडी ७४२३ ने आपली पत्नी वंदना बोपचेसह दुपारच्या सुमारास आपल्या मुलीच्या लग्नाच्या पत्रिका नातेवाईकांना वाटण्यासाठी खुरखुडीवरून पांजरा बस स्टॉप जवळून मौजा बीर्सी – तिरोडाकडे जात होते. दरम्यान, मागून येणाऱ्या बोलेरो गाडी क्र. एमएच ३५ के ४६५८ ची धडक बसल्याने नरेश बोपचे यांचा जागीच मृत्यू झाला.
तर पत्नी वंदना बोपचे जखमी असून त्यांना शासकीय सामान्य रुग्णालय गोंदिया येथे भरती करण्यात आले आहे. तिरोडा पोलिसांनी गुन्हा नोंद करून पुढील तपास सहाय्यक फौजदार शिवलाल धावडे आणि अंबादे करत आहेत.