यावेळी घाबरलेला सदर विद्यार्थी बी१ मधील त्याच्या मित्राजवळ जाऊन बसला. तेथेही बबलूने त्याला सोडलं नाही. तो तेथे पोहोचला आणि त्याने विद्यार्थ्याला लाथाबुक्क्यांनी मारहाण सुरू केली. यावेळी उपस्थित दुसऱ्या विद्यार्थ्याला “हा कोण लागतो रे तुझा?” अशी विचारणा बबलूने केली. “तो माझा मित्र आहे”, असं उत्तर मिळताच बबलूने त्यालाही लाथाबुक्क्यांनी मारहाण सुरू केली. “काका, मला का मारता? मी काय केलं?” अशी विनंतीपूर्वक विद्यार्थी बोलत असताना बबलू त्यांना मारतच होता. त्याने विद्यार्थ्यांच्या छातीत लाथा मारल्या, त्याचे डोके आपटले, कपाळावर मार लागला आणि डोके आपटल्याने डोक्याच्या मागील बाजूस वेदना झाल्या. परभणीला गाडी येताच बबलू उतरून निघून गेला.

दरम्यान, दुसऱ्या दिवशी रविवारी सकाळी पुणे येथे पोहोचताच विद्यार्थ्यांनी खासगी रुग्णालयात जाऊन उपचार घेतले. मारहाणीमुळे दोन्ही विद्यार्थी घाबरले होते. ते डिप्रेशनमध्ये जाण्याची शक्यता होती. यातून त्यांना बाहेर काढण्यासाठी पालकांना बरीच मेहनत घ्यावी लागली. १८ एप्रिल रोजी या घटनेची तक्रार नांदेड रेल्वे पोलिसांत देण्यात आली. बबलू नागरेविरुद्ध दोन गुन्हे दाखल झाले. पोलीस निरीक्षक संतोष उनऊने यांच्या मार्गदर्शनाखाली या प्रकरणाचा तपास करण्यात येत आहे.

बायकोसोबत अनैतिक संबंधाचा राग, नाशकातील हत्येचा अखेर उलगडा; तब्बल ९ वर्षांनी भोंदूबाबा सापडला