मृत जवान मयुर यादव यांचे दहावीपर्यंतचे शिक्षण वडूज येथील हुतात्मा परशुराम विद्यालयात झाले होते. त्यांच्या अपघाती निधनाची बातमी समजताच वडूज शहरासह विद्यालयावर शोककळा पसरली होती.

मृत जवान मयुर यादव यांच्या पश्चात वडील सेवानिवृत्त आरोग्य सहाय्यक जयवंत यादव, आई, भाऊ हर्षद, पत्नी, तीन वर्षांची आदविता ही मुलगी आहे. अंबाला (पंजाब) येथून त्यांचे पार्थिव दिल्लीतून विमानाने पुणे येथील विमानतळावर मंगळवारी पहाटे सहा वाजेपर्यंत पोहचणार आहे. पुणे येथून वाहनाने वडूजमध्ये दुपारी बारापर्यंत त्यांचे पार्थिव पोहोचेल, अशी माहिती ग्रामस्थांनी दिली. पार्थिवासोबत त्यांचे भाऊ हर्षद यादव आणि मिल्ट्रीचे ऑफिसर आहेत.

जवानाला २२ व्या वर्षी वीरमरण; अंत्यसंस्कारापूर्वी आर्कविवाह; निरोप देताना कुटुंबाचा आक्रोश
साताऱ्याच्या तेजस मानकर जवानाचा सेवा बजावताना मृत्यू

नुकताच सातारा जिल्ह्यातील करंदोशी (ता. जावळी) गावचा तेजस लहुराज मानकर (वय २२) या जवानाला पंजाब भटिंडा कॅम्पमध्ये सेवा बजावत असताना डोक्यात गोळी लागली. त्याला उपचारासाठी मिल्ट्री हॉस्पिटलमध्ये दाखल केले होते. दरम्यान, तेजस यांचा मृत्यू झाला आहे. दोन वर्षांपूर्वी तेजस सैन्य दलात दाखल झाला होता. पुणे येथे प्रशिक्षण पूर्ण केल्यावर त्याची पंजाब भटिंडा येथे नियुक्ती करण्यात आली होती. रविवारी तेजस यांच्यावर शासकीय इतमामात अंत्यसंस्कार करण्यात आले. सातारा जिल्ह्यातील जवान शहीद होण्याची ही आठवडाभरातील दुसरी घटना आहे.

साताऱ्यातील अवघा २२ वर्षीय जवान शहीद; ५ दिवसांपूर्वीच यात्रा साजरा करून गेला अन् घात झाला!