मुंबई :दिंडोशीतील खडकपाडा, संतोषनगर, नागरी निवारा, महापालिका वसाहतीतील नागरिकांसाठी शनिवारची सकाळ भीषण असा आघात घेऊन आली. पिंपरी-चिंचवड येथे डॉ. बाबासाहेब आंबेडकर जयंतीनिमित्त वादनासाठी गेलेल्या परिसरातील बाजीप्रभू ढोलताशा पथकाच्या जवळपास ४० जणांच्या चमूला बस अपघात झाला. ४० पैकी १३ जणांचा मृत्यू झाल्याचे समोर आले, मृतांची नावेदेखील कळली. त्यानंतर खडकपाडा, संतोषनगर, महापालिका वसाहतीत भीषण अशी शोककळा पसरली.खडकपाडाच्या महापालिका वसाहतीत राहणाऱ्या सतीश व स्वप्नील धुमाळ, यांनी जेमतेम वर्षभरापूर्वी हे ढोलताशा पथक तयार केले. पथकातील सदस्य जेमतेम विशीतले. सर्वात लहान सदस्य फक्त १२ वर्षांचा. उर्वरित सर्वच तरुण-तरुणी सरासरी जेमतेम १५ ते १८ वर्षे वयोगटातील आहेत. पथक प्रमुख सतीश धुमाळ हे २३ वर्षांचे. त्या स्थितीत घरातील मुलगा किंवा मुलगी ऐन तारुण्यात अकाली जग सोडून निघून गेल्याची हळहळ वसाहतीतील प्रत्येकजण व्यक्त करीत होता.
हरहुन्नरी वीर मांडवकर फक्त १२ वर्षांचा होता. १२व्या वर्षी काही सेकंदाच्या अपघाताने त्याला जगाचा निरोप घ्यायला लावला. तो एकुलता एक होता. बहीण भाऊ कोणीच नाही. खडकपाडा परिसरातीलच महापालिका वसाहतीत राहणारा वीर कमलेश मांडवकर हा जेमतेम आठवीत शिकणारा होता. परंतु वादनाची त्याला प्रचंड हौस होती. तो बाजीप्रभू ढोल ताशा पथकात रुजू झाला. उंचीने लहान, वयानेपण लहान, तसे असतानादेखील अल्पावधीतच तो अप्रतिम असे ढोल वादन शिकला.
हरहुन्नरी वीर मांडवकर फक्त १२ वर्षांचा होता. १२व्या वर्षी काही सेकंदाच्या अपघाताने त्याला जगाचा निरोप घ्यायला लावला. तो एकुलता एक होता. बहीण भाऊ कोणीच नाही. खडकपाडा परिसरातीलच महापालिका वसाहतीत राहणारा वीर कमलेश मांडवकर हा जेमतेम आठवीत शिकणारा होता. परंतु वादनाची त्याला प्रचंड हौस होती. तो बाजीप्रभू ढोल ताशा पथकात रुजू झाला. उंचीने लहान, वयानेपण लहान, तसे असतानादेखील अल्पावधीतच तो अप्रतिम असे ढोल वादन शिकला.
दिंडोशीत शोककळा
या अपघातात १२ वर्षांच्या वीरचा जागेवरच दूर्दैवी मृत्यू झाला. वास्तवात वीरचे वडील गावी असतात. तो आईसह मामा-मामी व आजी-आजोबांकडे राहत होता. अपघाताची माहिती मिळताच आई तातडीने मामासह निघाली. वडिलांना उशिरा माहिती मिळाली. पण तेदेखील कोकणातून थेट तिकडे निघाले. त्याचे पार्थिव घेऊन येण्याची वेळ दुर्दैवी मांडवकर कुटुंबीयांवर आली.
Pune News : महिला कालव्यात कपडे धूत होत्या, इतक्यात समोर जे दिसलं ते पाहून महिला हादरल्या
जेमतेम १६ वर्षांचा असलेल्या कृतिक लोहितचे कुटुंब संतोषनगर, दिंडोशीच्या महापालिका वसाहतीत राहणारे आहे. ‘कृतिक ढोल-ताशा पथकात सुंदर वादन करायचा. स्वभावाने हळवा, तितकाच गोड म्हणूनच आम्ही त्याला प्रेमाने साई म्हणायचो. पण आता तो पुन्हा दिसणार नाही’, असे सांगताना शेजारच्यांच्या डोळ्यात पाणी आले. कृतिकला वडील नाहीत. आई घरकाम करते. तर मोठी बहिण पार्ट टाइम नोकरी करुन शिक्षण करते. पण लाडका कृतिक आता त्यांच्यात नाही.
राहुल गोठल यंदा बारावीत गेला होता. घरी गतीमंद असलेली थोरली बहिण आणि आई-वडीलांना मागे सोडून कायमचा निघून गेला. त्याच्या रुपात आई-वडिलांनी बघितलेले स्वप्न क्षणार्धात धुळीला मिळाले.
करोनाने मृत्यू झाल्याचं सांगत रुग्णालयानेच केले अंत्यसंस्कार, दोन वर्षांनी तो घरी परतला, कुुंटुंबीय चक्रावले
दिंडोशीतीलच खडकपाडा परिसरातील शिवनेरी बैठी चाळ सोसायटीत राहुल गोठणचे कुटुंबिय राहते. वडीलांच्या हाती काम नसल्याने आई घरकाम करणारी. थोरल्या बहिणीची अवस्थादेखील बिकट, या स्थितीत जेमतेम एका खोलीच्या घरात राहून राहुलने अकरावीपर्यंतचे शिक्षण घेतले. बारावी करुन घर चालविण्यासाठी हातभार लावण्याचा त्याचा निर्धार होता. याचदरम्यान त्याने ढोल-ताशा पथकात वादन सुरू केले. ताशा वाजविण्यात तो कुशल होता. मात्र खोपोलीजवळील दूर्दैवी अपघाताने राहुल गोठलच्या कुटुंबीयांना जबर झटका दिला.