राहत्या घरात कोणी नसताना औदुंबरने गळफास घेऊन आत्महत्या केली आहे. आत्महत्येपूर्वी औदुंबरने आपला स्वतःच्याच फोटो स्टेटसला ठेवला. फोटो स्टेटसला ठेवत त्याखाली श्रद्धांजली असंही त्याने लिहिलं. श्रद्धांजली लिहिलेला हा फोटो त्याने सोशल मीडियावर स्टेटस म्हणून ठेवला आणि त्यानंतर त्याने आत्महत्या केली आहे. शुक्रवारी सायंकाळी हा प्रकार उघडकीस आला. दरम्यान त्याच्या आत्महत्याचं कारण अद्याप अस्पष्ट आहे. या घटनेची नोंद जत पोलीस ठाण्यात झाली असून अधिक तपास जत पोलीस करत आहेत.

हातात चाकू आणि कोयता घेऊन कॉलेज तरुणाचा पाठलाग; सांगलीत भररस्त्यात सपासप वार करून हत्या!
दरम्यान आत्महत्येच्या आदल्या दिवशी औदुंबर याचं आणि त्याच्या आईचं कडाक्याचं भांडण झालं होतं. त्यातून औदुंबरने आपल्या आईला बेदम मारहाण केली होती. आईला मारहाण केल्यानंतर औदुंबरच्या मामाने औदुंबरच्या आईला जत येथे उपचारासाठी रुग्णालयात दाखल केलं होतं. जतमधल्या रुग्णालयामध्ये औदुंबरच्या आईवर उपचार सुरू असताना त्याने आपल्या राहत्या घरात गळफास घेऊन आत्महत्या केली. आईला मारहाण केल्याच्या पश्चातापातून त्याने ही आत्महत्या केली असावी अशी चर्चा गावात सुरू आहे.

हात-पाय धुण्यासाठी कॅनॉलमध्ये उतरले, इतक्यात पाय घसरला; दोन मित्रांचा दुर्दैवी अंत
औदुंबर जगताप याच्या वडिलांचं ५ वर्षांपूर्वी निधन झालं होतं. औदुंबर एकुलता एक होता. त्याची १७ एकर शेती आहे. औदुंबर या शेतात शेती करत होता. काही दिवसांपूर्वी औदुंबरच्या ऊसाचं बिल आलं होतं. या रकमेतून त्याने सोसायटीचं ७० हजार रुपयांचं कर्ज भरलं होतं. त्यानंतर दोन दिवसांपासून औदुंबर हा दारूच्या आहारी गेला होता. याच कारणावरुन त्याचं त्याच्या आईसोबत भांडण होत होतं. या भांडणातूनच त्याने आईला मारहाण केली होती. आईला मारहाण केल्यानंतर तिला रुग्णालयात दाखल करण्यात आलं. आईला मारल्याच्या पश्चातापातून त्याने हे टोकाचं पाऊल उचललं असल्याची माहिती आहे.